ترکان
و
بررسي تاريخ, زبان و هويت آنها در ايران
حسن راشــــــــــدی
بو کيتابين يازيلماغا تَمَل داشي, ۱۳۸۱- جي ايلين سونلاري و ۱۳۸۲- جي ايلين ايلک گونلري قويولدو.
اوْ ايل شوونيزم و کسروينين آذريچيليک ادعالارينا آلدالانلاردان, کوروش- داريوش و آرياچيليق افتخاري ايله ياشايانلاردان و آذربايجانين قاراداغ بؤلگهسينده چاليشارکن اورهيي «بنياد افشار و نيشابور» باغلاريندا چيرپينان بيريسينين, دؤولتي بير مسئولا يازديغي مکتوبو اليميزه دوشدو!
هله بوندان قاباق, بونلارين آغ ساققاللاري و اوستادلاري ساييلان پرويز ورجاوندين کئچميش جمهور رئيس سيد محمد خاتمييه يازديغي مکتوبدا, آذربايجان مطبوعاتيندا افشاء اوْلموشدو.
او گونلردن سوْنرا, چيگنيميزده اولان وظيفه نين آغيرليغيني داها آرتيق حيسّ ائدهرک ۸۵ ايل اؤنجهدن اينديه قَدَر, يعني رضاخان حاکيميته گَلَن گوندن, تاريخي تحريف اولان, شخصيّتي تاپدالانان, ديلي و وارليغي دانيلان, گنجلري هوّيت بؤحرانينا دوچار اولان و ايران آدلي اؤلکهده جمعيت باخيميندان نسبي اکثريته ماليک اولاراق حتي ابتدايي قَدَري اؤز ديلينده مکتبي اولمايان تورکلرين کئچميش تاريخي و هويّتي حاقدا تدقيقات آپارماغي و بو ساحهده کيتاب حاضيرلاماغي اؤزومه بورج سانديم.
بو ايکي ايل ياريمين عرضينده اليمدن گَلَن قدر کئچميش قرنلرده يازيلان بلعمي, بيهقي, راوندي, رشيدي و بعضي باشقا تاريخي کيتابلارين موطالعهسي ايله ياناشي موعاصير دؤورده يازيلان تاريخي کيتابلار, حتي شوونيستي فيکيرلر ايله تورکلر عليهينه چاپ اولان کيتابلارين موطالعهسيندن بئله واز کئچمهديم.
افراطي ناسيوناليسم فيکيرلرايله يازيلان کيتابلارين بير چوْخ يئرلرينده آچيق- آيدين تاريخي تحريفلري گؤروب سَنَدلره داياناراق اونلارا جاواب يازديم, نهايت الينيزده اولان کيتاب ۱۳۸۴- جو ايلين سونلارينا ياخين حاضيرلاندي.
ايلک اؤنجه کيتابي دوغما ديليميزده يعني آذربايجان تورکجهسينده يازماق ايستهديم, لاکين ديليميزين مکتبلرده رسمي شکيلده درس وئريلمهمهسي و حتي ايسلامي انقلابين غلبهسيندن ۲۷ ايله ياخين کئچمهسينه رغماً, آنا ياسانين (اساس قانونون) ۱۵- جي مادهسينين اجرا اولماماسي, يعني فارس اولمايان ديللرين مکتبلرده تدريس اولماماسي سببيندن, دوغما ديليميزده آز عدّهنين اوْخوما ايمکانيني و اوخوجولاريميزين فارس ديلينده تحصيل آلديغيني و بو ديلده يازيب- اوخوماغا عادت ائتدکلريني گؤز اؤنونه آلاراق هلهليک کيتابي فارس ديلينده يازديم.
طبيعيدير بوتون کيتابلاردا اولدوغو کيمي بو کيتابدا, نوقصانلاردان اوزاق اولا بيلمَز, لاکين چاليشديق ايمکان دايرهسينده, ادعالاريميز سَنَدلره دايانسين و افراط- تفريطدن اوزاق قالاق.
آرزو ائديرم بو کيتاب آز اولموشسادا آذربايجان ميلّتي و عموميتله ايران اؤلکهسي چرچيوهسينده ياشايان تورکلرين ديل, تاريخ و وارليغينين بير حيصهسيني واقعي و تحريف اولماميش شکيلده گؤستره بيلسين.
بؤيوک عاليميميز, رحمتليک پروفئسور زهتابينين روحي شاد اولسون دئيه اوميد ائديرم باشقا عاليملريميز ديليميز, تاريخيميز و وارليغيميز ساحهسينده داها درين آراشديرمالار آپاريب يئني کيتابلار يازيب ميلّتيميزي باشقا حقيقتلرله تانيش ائتسينلر!
بو کيتابين يازيلماسيندا منه يارديمچي اولان حؤرمتلي قلمداش و فيکيرداشلاريما درين سايقي و سئوگيمي بيلديرمکله ياناشي, بو کيتابين تايپ و اصلاح ايشلريني صميميت و حوصله ايله باشا چاتديران عزيزلريميز «اورخون يايين ائوي» عضولرينه اؤز تشکّورلريمي بيلديرير و باشي اوجا ميلّتيميزه اوغورلار و باشاريلار آرزولاييرام!
حسن راشدي
۱۹/ ۹/ ۱۳۸۴
کیتابین ایچینده کی لر
4- رابطه هويت ملّی و هويت قومی در بين جوانان تبريز
5- چشم انداز آتی ناسيوناليسم قومی در آذربايجان ايران
—الف- عوامل مؤثر بر شکلگيری ناسيوناليسم قومی
—ب- وضعيت ناسيوناليسم قومی در آذربايجان
—د- پايگاه اجتماعی و شيوه های طرح مطالبات قومی
6- واقعيتهای تاريخی و بافت جمعيتی کشور
8- ترکان و زبان ترکی در آئينه تاريخ و ادبيات
9- فارسی دری, زبان مهاجر يا بومی در ايران؟
10- سيمای ترکان در آثار شعرای فارسی گوی و مورخين مشهور
12- اهميت زبان ترکی در ايران در قرون گذشته از ديد مورخين, سياحان و ديپلماتهای خارجی
13- در ذکر شمهاي از شمايل و فضايل خاصة پادشاه جمجاه خلدالله ملکه و سلطانه
14- دغدغه ناسيوناليستهای افراطی
15- آذربايجان تاريخی و محدوده آن از نظر مورخين
