یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / آزاد شعرلر / دردله بسلنمیش حیکایه / آیهان میانالی

دردله بسلنمیش حیکایه / آیهان میانالی

آيهان ميانالي

درد’له بسلنمیش حیکایه / آیهان میانالی

قافامـداکی یاساق سئوگیلیم،
ألینی اۆز
دۆنه‌نین
کؤهنه ناغیلینـدان!
بیزیم حیکایه
درد’له
بسلنمیش دیر سانکی!
بیر بوخچا بولود
سیخار کن
کؤنلۆمۆن یوخسول دوستاغینا
ایچیمده کی
کفن‌سیز دۆشۆنجه‌لر
اینتیحار سیناغی ایلا
قوجاقلاشیب
اؤلۆم ماهنی‌سین
یازارلار
اونلار
دردلرین
آرخا کۆچه سینده
پیلان‌سیز
دوغوشون
ایتگینلیگینده
بیر گۆن
آخشام چاغی
یالقیزلیق
دار آغاجیندان
آسیلیب
اؤله‌جک‌لر.
سؤزجۆک‌لریم
بیر به بیر
چؤکۆب
قویلانیرلار
هر گئجه
سانکی بیزیم شهرده
کیمسه
ائشیتمه‌ییر
اولدوزلارین
اینتیحار ناغیلین
اولدوزلارین
آغلاییب
سؤنۆلمه‌سین
یاغیش’لا قوجاقلاشان
اؤگئی حسرتیم
ایسلادیر
اؤلکه‌مین یاناغین
گیزلیجـه
قوتلاییرام
یاساق بایراغین
سن
بیر اؤلکه‌یدین
سۆرگۆن چاغیمـدا
ایل‌لردیر کی
سوسوب،
آتامدان قالان سؤزلر،
اؤگسوز
ایلگک‌لر کیمی
سارماشیق حایاتیمدا!
حسرت دوداغین
اؤپوش سۆز
توپراق’لا
اؤپۆشدۆرن دورومـدا.
بیر موتفاق آغلاییر منی
اۆزَریمـده کی
قهوه رنگ‌لی گئییم
شاهیددیر اونا
اؤتری گۆنلری
اؤلچۆسۆز یاخان
بیر٬ خان٬ کیمی
بئش قوروش پارایا ساتان دویغو
حله آددیملاییر
یازیق اونودولموش بایرام گۆنلریمی
دانیشام سا
شوعار
سوس‌سامدا اینتیحار
و حله آغلاییر شعرلریمده
بیر اینتیحار سیناغی….

آیهان میانالی
کرج
04:09
29/04/95

یئنی باخیش دیر تورک دونیاسینا

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

IMG_20190219_234456_559

اۏ بیر قادېن‌دېر / ساناز عباسی

اۏ بیر قادېن‌دېر / ساناز عباسی قۏرخا قۏرخا یۏلونان گئدیردی. اؤز کؤلگه‌سین‌دن بیله قۏرخوردو کؤرپۆنۆن …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

بیر یۏروم / Bir Yorum

  1. آنتی پانترکیسم

    جناب میانالی خوب بساط جدایی طلبی راه انداخته اید.خیلی وقت است که بساط فتنه و فتنه گر را از کشور عزیزمون ایران جمع کردیم.وقاحت کار شما تا آنجا پیش رفته که برای عده ای پانترک جدایی طلب که در شهر مرزی سلماس به کمک فرماندار پانترکش علیه امنیت ملی و تمامیت ارضی کشورم ان جی او به راه انداخته اند سایت راه اندازی میکنید تا اراجیف کشور وحشی ترکیه را به خورد هموطنان ساده لوح آذری من بدهند.
    این کار شما بی پاسخ نخواهد ماند.
    وطنم پاره تنم.زنده باد اقوام ایرانی و مرگ بر پانترک های تجزیه طلب

Leave a Reply

Your email address will not be published. Required fields are marked *