یئنی یازې‌لار / Yeni Yazılar
آنا صفحه Ana Səhifə / خبرلر / بیز هامیمیز اورمیاییق / پینار شاکر

بیز هامیمیز اورمیاییق / پینار شاکر

 

بیز هامیمیز اورمیاییق / پینار شاکر

بیز هامیمیز اورمیاییق / پینار شاکر

سالونون چیراقلاری سؤندورولدو. تاماشاچیلار بیرآزدان صحنه ده نه باش وئره جه یینی گؤزله ییردیلر ،من سه تئاترین آدینین آغلاما اورمیا اولدوغوندان اورمو شهرینین بیر اوشاق کیمی آغلیاجاقینی و(آذربایجانین) بیر آنا کیمی باشی اوسته دوروب آغلاما اورمیا ،آغلاما اورمیا دئیه جه یینی دوشونوردوم کی صحنه یاواش یاواش ایشیقلاندی

دنیزی تمثیل ائدن ماوی پرده لر صحنه نین اورتاسیندا ایشیلدیا ایشیلدیا ماس ماوی دالغالانیردی کی او آراداموغامات باشلاندی صحنه نین اورتاسیندا دنیز شپه لنیردی صحنه نین آرخاسیندا سا هابیل اوتوروب کامانچاسین سیزیلدادیر دئیه حیس ائدیردیم او آن،

دنیز شپه لنیردی آنجاق تاماشاچیلارین هامیسینی دنیزین او آن صحنه دن اوغورلاناجاغی ،یاخود قورویاجاغی قورخوسو سارمیشدی منیم ایچیمدن بیر حیس ال لرینی صحنه یه اوزالدیب صحنه ده کی شپه له نن دنیزی توتوب ساخلاییردی و نولار سونسوزا دک بئله شپه لن، نولار بیر آزدان قوروما ..نولار قوروما دئیه یالواریردی او آن هرکسین بیلینج آلتینی شورانلیغا چئوریله ن دنیز، قورخوسو سارمیشدی..

دنیزین ایچینه گیریب اوزه ردیک آتاملا ،آتام منه اؤزمه یی اؤیردیردی ،سیرتیمین اوزرینه اوزانیب آتام أل لرینی بوراخسا دنیز منی اوداجاق دئیه قورخوردوم کی صحنه ده دنیزین اورتاسیندان بنووشه گؤزلو بیر قیز چیخیب بیرینی گؤزلر کیمی ألینی آنلینا دایاییب اوزاقلارا باخیردی،

ایستر ایسته مز منیم ده گؤزوم بیرینی آختارمایا باشلادی، آنام اوزاقلاردا دایانیب آتاما اوشاق بوغولار مغایات اول دئیه چیغیریردی گؤزلریمی نیگران آتامین گؤزلرینه تیکیردیم. آتام نیگرانچیلیق یوخدور کیمین اوزومه گولومسه ییردی. دنیزدن اوزون ساچلی بیر اوغلان اوزه رک قیزا یاخینلاشدی اورمیااا،یارییم دیه قیزا سسلندی، قیزین آدی اورمیایدی اوشاقلیقدا شهرلری جینسییتی جهتدن دوشوندویومده تبریزی اوغلان اورمونو سا قیز دوشونردیم ،بو اویون دا اورمیا بیر شه هه ر یا بیر اوشاق یوخ بنووشه گؤزلو بیر قیزدی اوزون ساچلی بیر اوغلانی سئوگی له ییردی ..

دنیزین اوزرینده قورخودان گؤزلریمی یومموشدوم آتامین أل لرینی سیرتیمین آلتیندان یاواش یاواش چکدیینی حیس ائدیردیم کی گونشین گؤزلریمی یاندیرار کیمی قوماشدیردیغیندان دولایی یاواش یاواش کیرپیک لریمی آییردیم و آتا بوراخما دئیه چیغیردیم،صحنه ده بنووشه گؤزلو قیز اوزاقلارا باخیب آجیدان قیوورانیردی ، بیر قیز قان تر ایچینده آغلایا آغلایا اورمیا یا چاتیب شهریمیز یانیر ،اوشاقلار ،قوجالار، قهرامانلار اود ایچینده یانیر دئیه باغیریردی اورمیا باشینا چالیب آغلاشیردی اوزون ساچلی اوغلان اؤلکه سیندن ساواشجی گتیریب اورمیا یاشایان اؤلکه نی قورتارماق اوچون دنیزه ساری گئدیردی اورمیا دالیجا آغلاشیب گئتمه اورامان ،گئتمه اورامان دئیه چیغیریردی اورامان گله جیم ،تئزلیک له گله جیم دئیه دئیه دنیزه دؤندو ،

آتا بوراخما منی دئیه باغیریردیم دنیزین ایچینده ،اینسانلار بؤیوک بیر اطاعت کارلیق لا سیرت اوسته دنیزه اوزانیب گونشه تاپینیردیلار، آتامدا یانیما اوزانمیش تاپینیردی ..اینسانلار پار پار پاریلداییردیلار دنیزده، صحنه ده اورامان ساواشجیلاریلا قایتدیغی زامان ایتمه سین دئیه اورمیا 7چیراق یاندیرمیشدی و تانریا یالواریردی ، باشیم اوسته اوزون بیر قادین منی دنیزه باساجاق کیمین اوزومه باخیردی اوزو پاریلداییب گؤزلری ایشیلداییردی..

صحنه ده دنیز ایلاهه سی دنیزدن چیخیب آغلاما اورمیا نه قدر عذاب چکسن ده آغلاما آغلاسان دنیزین سویو شور اولاجاق دئییردی اورمیا یوخ من ائده بیلمه رم من عاشیق اولموشام دئیه باغیریردی ، باشیم اوسته دایانان اوزون قادین دانیشاندا سسیندن آنلادیم آنام اولدوغونو ،آنا آتا منی بئله بوراخیب من اوزمک باشارمیرام دئیه سیزیلدادیم آنام موتلو موتلو یانیما اوزاندی ،

دنیزده اوزن هر کس موتلویدو هرکس دئییب گولوردو آنجاق من گرگین ایدیم ایچیم ایچیمی یئییردی ،

صحنه ده اورمیانی توتوقلاییب چیراقلارینی سؤندورموشدولر بنووشه گؤزلو قیزین نارین بیلک لرینی زنجیره باغلاییب دوستاقلامیشدیلار.

دنیزده آز قالا بوغولوردوم یاپیشاجاق بیر شئی آختاریر کیمین بوغولما قورخوسوندان ال لریمی سویا شاپبیلداریردیم.

صحنه ده اورمیا عزا جزا وئریلیردی و نینیوا یاناجاق اودا دوشه جک بوتون اینسانلاری دئیه چیغیریردی آسوری عسگرلری اونو شالاقلاییردی اویسا سیریمی سادجه دنیزه دیه رم سیزه یوخ ،اؤلسم ده سیزه سیریمی آچمارام دئیه دئیه دیره نیردی ،او آن اورمیانین گؤزلریندن اودا بلنمیش دیرنیش یاغیردی او اؤله رم سیریمی دوشمنه آچمارام دئدیینده قادین گوجونو آلیب گوجلنیردیم آنجاق گؤزلریم یانمیش دی و بوغازیم شوراوو باغلایییب آجیشیردی صحنه ده اورمیا سیررینی دنیزه آچماسین دیه دوداقلارینی یاندیریردیلار آنجاق او بوتون آجیلارا دایانیب دوشمنه یالوارمیردی و سیز منیم دوداقلاریمی یاندیریب آغزیمی باغلاسازدا من سیریمی دنیزه حیسیم له گؤزومله دیه رم دیه باغیریردی، اورمیانین دوداقلاری یاندیریلدی آنجاق او 7چیراغی یئنه یاندیریب آسدی شهرین 7قاپیسیندان ، اورمیا دانیشا بیلمه دی، دردینی دئیه بیلمه دی آغلادی دنیزین سویو شور اولدو و ایچینده یاشایان بالیقلارین ،پری لرین نسلی کسیلدی تاماشاچیلار آغلاییردیلار، هابیل صحنه نین آرخاسیندا اوتورموش نیسگیل له سیزیلدادیردی کامانینی، گؤزلریم یانمیشدی آتام شیرین سو گتیریب گؤزلریمی یویوردو صحنه ده اورامان ،اورمیانی دنیزه چاغیریردی، گل اورمیا، گل یارییییم دئیه سسله ییردی، اورمیا اونون سسینه دنیزه گئدیردی، گئدیردی و اوزاقلاشیب گؤزدن ایتیردی.

گؤزلریمی آچدیغیمدا دوزلاقدا دورموشدوم آرتیق یئکه لمیشدیم چیم مه یی ده اؤیرنمیشدیم آنجاق نه دنیز واردی نه ده…. صحنه ده اویونجولار چیراق ال لرینده اورامانین یولونو گؤزله ییردیلر …صحنه ایشیقلاندی و تاماشاچیلار آیاق اوسته آلقیشلاییردیلار اویونجولاری آنام گؤز یاشلارینی سیلیردی منیم ایچیمده بیر قیز چیغیریر دی دنیزه ساری بیز هامیمیز اورمیا ییق ظلم قارشیسیندا دیره نن آنجاق سیرینی دوشمنه سؤیله میین ،دوداقلاری یانان آنجاق یالوارمایان بیز هامیمیز اورمیاییق یانیب کول اولاریق آنجاق وطنی ایشیقلاندیراریق بیز هامیمیز بیرر_ بیرر ایگیدیک، بیرر_ بیرر ساواشچیییق، بیرر_ بیرر اورامانیق ،اورمیاییق ..صحنه ده بیر اورمیا دنیزه گئدیرسه بوگون مین لرجه باشقا آدلار داشیان اورمیالار دنیزدن قاییدیر و گؤز یاشیمیزلا دولدوراریق دنیزی دئیه باغیریر..بیز هامیمیز اورمیاییق… بیز هامیمیز اورمیاییق….

یازار : پینار شاکر

پینار شاکر

یازار / Yazar : پينار شاكر Pınar Şakir

27 آذر 1374 گونش ایلی آذربایجانین ادیب لر و بؤیوک شاعیرلر ویازار لار شهری ،اورارتولارین پایتختی اولان سالماس شهرینده گنج و استعدادلی شاعیر، رسام، مقاله یازاری پینار شاکر آنادان اولدو. پینار شاکر 8 یاشیندان تورکجه شعر یازیب و گنج یاشلاریندا 4باشقا شاعیرله بیرلیکده آذربایجان ادبیاتیندا قارالاما مانیفیستینین تملینی قویوب بوگون آذربایجان گنج شاعیرلرین ین ایچینده آدلیم لاردان ساییلیر. پینارین شعرلرینده وطن سئورلیک و آذربایجان سئوگیسی اؤزه ل بیر یئره مالیکدیر. بو گنج شاعیر و یازاردان اونلار مقاله، اؤيكو، شعر، قادین لار حاققیندا آراشدیرمالار آغری، آنا وطن، دعوت و...درگی لرینده چاپ اولوب و چوخلو وبسایت لاردا یاییملانیب دیر. پینار شاکر "آذربایجان مدنیت ائوی " نین، قادینلار و عاییله ایشلر باشچیسی اولاراق بوگونه دک آذربایجانیمیزین کولتورونده و فولکلوروندا اولان یاز بایرامی، نوروز گونو، سون چرشنبه لر ،چیلله و...مراسیم لرینین قوروجوسو وهفته لیک قادینلار ائتگینلیی و اوشاقلار ائتگینلیی آردیجیل اوتوروملارین آپاریجیسی و آذربایجان تاریخینده ایلک اولاراق 1394 گونش ایلی اوشاقلار دونیا گونو قورولان همایشین دبیری اولوب. قید ائتمک لازیمدیر بو همایش ده 1500 جلد تورکجه اوشاق کیتابی 750 اوشاغا پای وئریلیب و سالماسین ارشاد اداره سینین آمفی تئاتریندا قورولان بو مراسم ده تورکجه تئاتر پینار خانیمین یؤنتمنليی ایله، آذربایجان رقصی، آذربایجان ماهنی لاری و...ایفا ائدیلدی. ايندي ليكده يئني قاپي سايتينين يازارلاريندان اولاراق آزربايجانيميزين گلجه يينه ائتكيلي آدديملار آتير.

بو یازېنې دا اۏخویون /Bu Yazını da Oxuyun

Sülh-bərabərlik-yoxsa susdurmaq üçün kod adı-Məhdiyyə Ahəni-YeniQapi.com-

صۆلح – برابر‌لیک، یۏخ’سا سوسدورماق اۆچۆن کۏد آدې؟ / مهدیه آهنی (مقاله)

صۆلح – برابر‌لیک، یۏخ’سا سوسدورماق اۆچۆن کۏد آدې؟ / مهدیه آهنی (مقاله) “…من ایسته‌ییردیم (قاراباغېن …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *