ساغ اولسون باشین قارا باغ / قاسیم پناهی
بیر آنا قانادی سینمیش قوش کیمی
اوره گـی آز قالیر آغزیــندان چیخا
بیر عسگـر فوتوسو ،گولر اوز ایلـه
سانکی سینه سینده آسیلیب میخا
بو آنا گــؤزونده دامــار قیریــلیــب
باشینا قوهوملار دوستلار ییغیلیب
گؤوده سی بوزولوب،قلبی سیخیلیب
آز قالیر دونــیانــی کؤکوندن ییخـا
شرف سینــاغیندا اوغول اوزو آغ
اوغول تابوت ایچره آنا اؤزو ساغ
حایقیریر ساغ اولسون باشین قارا باغ
یاپیشیر اوغولون اللــرین سیخــا
“قاسیم پناهی”
