یئنی یازې‌لار / Yeni Yazılar
آنا صفحه Ana Səhifə / مقاله‌لر / سیزی سئومه ین اینسانلار…/ پینار شاکر

سیزی سئومه ین اینسانلار…/ پینار شاکر

سیزی سئومه ین اینسانلار.../ پینار شاکر

سیزی سئومه ین اینسانلار…/ پینار شاکر

اصلینده سیزی سئویرلر،سیزده اولان هر شئیی، باشاریلارینیزی، شاعیر اولسانیز شعرلرینیزی، یازیچی اولسانیز یازیلارینیزی، سیزی سایغین ائدن هر شئیی سئویرلر  و سئودیکلری شئی لرین اؤزلرینده یوخ باشقا بیری لرینده اولدوغونو گؤرونجه سیزی سئومه ین اینسانلار اولمایا باشلاییرلار .
اصلینده ألده ائتمک ایسته ییب ائده بیلمه دیک لرینه گؤره کین باغلاییرلار چئوره لرینه، سیزی سئومه ین اینسانلار آز دئییل لر ، باشاریلی بیری اولدوغونوز زامان أطرافینیزی توتوب  خبیر باخارسیز کی قارانلیغین اورتاسیندا قالان آی کیمی پارلاییرسینیز چونکی سیزی سئومه ین اینسانلار قارانلیق کیمی چؤکرلر یاشامینیزا و سیز ألده ائده بیلدیک لرینیز و باشارا بیلدیک لرینیز قدر پارلارسینیز او قارانلیقدا. آیلا قارانلیغین اورتامی بیر اولسادا هر زامان بیر چئلیشکی یادا بیر ساواش وار آرالاریندا آما آی هارا ؟قارانلیق هارا؟
سیز آی اولدوغونوز زامان ،باشاری الده ائده بیلدیینیز زامان مطلق سیزی ساران بیر قارانلیق اولاجاق اطرافینیزدا. آما هئچ زامان او قارانلیق قیسیتلیا بیلمه یه جک باشارینیز دان دولایی پارلاییب اطرافا ساچان ایشیغینیزی یادا اینسانلارین ایچینده گئت به گئت چوخالان سایقینلیغینیزی .
سیزی سئومه ین اینسانلار سئومه لیدیر اصلینده، چونکی سیزی سئومه ین اینسانلارین دا باشاریلاری واردیر اونلار سیز باشارین دئیه أل لریندن گلنی اسیرگه مزلر و سیزین باشاری لارینیز اونلارین باشاردیقلاریدیر ،اسیرگه مه دیک لریدیر اصلینده،سیز سیزی سئومه ین اینسانلارین باشاریلاری سینیز، نه موتلو دور سرطان کیمی سیزی سئومه ین بیرینین جیسمینی ساریب ،اسیرگه مه دیک لریندن فایدالانیب ،اونون باشاریسی اولماق .
اونلار سیزی سئومه ین اینسانلار ،اورتامی حاضیرلارلار سیزین گؤزونمه نیز اوچون، گؤیده قارانلیق چؤکمه سه آیین گؤرونمه سی کی مومکون دئییل..
قارانلیغین باشاریسی آیی سرگیله مک دیر، آیی دوم دورو گؤسترمک .
سیزی سئومه ین اینسانلارین دیرینی بیلین اونلار سیزی یوخ ائتمه یه چالیشدیقجا یوخ اولارلار .
قارانلیق نه قدر قارالیر قارالسین آی داها ایشیق ساچار اطرافینا و گؤزه داها بیر گؤرکملی گؤرونر.
سیزی سئومه ین اینسانلار آینایا باخمایا چکینرلر، چونکی اونلار سیز اولماق ایسترلر وبیرگون آینایا باخسالار بیله سیزی گؤرمه یی اومود ائدر لر .
دوغرودور سیزی سئومه ین اینسانلارین أن بویوک اومودو سیزی یوخ ائتمک دئییل سیز اولماقدیر، سیزین کی اولان هرشئیی یییه لنمک دیر.

 

یازار : پینار شاکر

یازار / Yazar : پينار شاكر Pınar Şakir

27 آذر 1374 گونش ایلی آذربایجانین ادیب لر و بؤیوک شاعیرلر ویازار لار شهری ،اورارتولارین پایتختی اولان سالماس شهرینده گنج و استعدادلی شاعیر، رسام، مقاله یازاری پینار شاکر آنادان اولدو. پینار شاکر 8 یاشیندان تورکجه شعر یازیب و گنج یاشلاریندا 4باشقا شاعیرله بیرلیکده آذربایجان ادبیاتیندا قارالاما مانیفیستینین تملینی قویوب بوگون آذربایجان گنج شاعیرلرین ین ایچینده آدلیم لاردان ساییلیر. پینارین شعرلرینده وطن سئورلیک و آذربایجان سئوگیسی اؤزه ل بیر یئره مالیکدیر. بو گنج شاعیر و یازاردان اونلار مقاله، اؤيكو، شعر، قادین لار حاققیندا آراشدیرمالار آغری، آنا وطن، دعوت و...درگی لرینده چاپ اولوب و چوخلو وبسایت لاردا یاییملانیب دیر. پینار شاکر "آذربایجان مدنیت ائوی " نین، قادینلار و عاییله ایشلر باشچیسی اولاراق بوگونه دک آذربایجانیمیزین کولتورونده و فولکلوروندا اولان یاز بایرامی، نوروز گونو، سون چرشنبه لر ،چیلله و...مراسیم لرینین قوروجوسو وهفته لیک قادینلار ائتگینلیی و اوشاقلار ائتگینلیی آردیجیل اوتوروملارین آپاریجیسی و آذربایجان تاریخینده ایلک اولاراق 1394 گونش ایلی اوشاقلار دونیا گونو قورولان همایشین دبیری اولوب. قید ائتمک لازیمدیر بو همایش ده 1500 جلد تورکجه اوشاق کیتابی 750 اوشاغا پای وئریلیب و سالماسین ارشاد اداره سینین آمفی تئاتریندا قورولان بو مراسم ده تورکجه تئاتر پینار خانیمین یؤنتمنليی ایله، آذربایجان رقصی، آذربایجان ماهنی لاری و...ایفا ائدیلدی. ايندي ليكده يئني قاپي سايتينين يازارلاريندان اولاراق آزربايجانيميزين گلجه يينه ائتكيلي آدديملار آتير.

بو یازېنې دا اۏخویون /Bu Yazını da Oxuyun

Su Çərşəmbəsi-Munis Bərqi-YeniQapi.com-

سو چرشمبه‌سی / مونس برقی (مقاله)

سو چرشمبه‌سی / مونس برقی (مقاله)   هر بیر چرشمبه اینسانا حایات وئرن؛ طبیعتین دؤرد …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

2 یۏروم‌لار / Yorumlar

  1. چوخ گوزل اللرینه ساغلیق

  2. چوخ فایدالاندیم یاشاسین یازانی

Leave a Reply

Your email address will not be published. Required fields are marked *