آذربایجان قیزی کیمیا علیزاده
کیمیا علیزاده 1377-جی گونش ایلینده کرج شهرینده مرندلی بیر عایله ده دونیایا گؤز آچدی و 2013-جی میلادی ایلیندن اولوس آرا یاریش لاردا ایشتیراک ائتدی، 2014-جی ایلده گونئی کوره ده قورالان آسییا اویون لاریندا 17 یاشی اولدوغونا، یاریش سوروملولاری اونو قویمادیلار یاریش لاردا ایشتیراک ائتسین و کیمیا خانیم یالنیز باخیجی اولدو، آنجاق بیر ایل سونرا 2015-جی ایلده کیمیا علیزاده هامینی حئیرتلندیردی و دونیاسال یاریش لاردا بورونز میدال قازاندی، و اولمپیک مئیدانینداآزربایجانین سارای عیصمتلی، هجر غئیرتلی قیزی 18 یاشیندا، ایران ایسلامی جومهورییتینین تاریخینده ان گنج اولمپیک میدالی قازانان، بیرینجی اولمپیک میدالی بوینوندان آسیلان قادین و ایرانین بوتون بی و قادین 2016-جی اولمپیک تیکواندو کاروانی ایچره تکجه میدال قازانان اولدو.
کیمیا قیزیل میدالا دا لاییق ایدی و ایسپانییالی تیکواندوچونون قارشیندا یالنیز بیر ایمتییاز آز گتیردی، یوخسا قیزیل قیزیمیزا قیزیل میدال یاراشیردی، نه ایسه کیمییانین اولمپیکده بورونز میدالی بیزه قیزیل حؤکمونده دیر، کیمیا خانیم گؤستردی هادی ساعی و یوسیف کرمی کیمی آزربایجانین ایگیت اوغول لاری وارسا، کیمیا کیمی غئیرتلی قیزلاری دا وار، وار اولسون کیمیا خانیمین آتا-آناسی، یاشاسین آزربایجان قیزی کیمیا علیزاده، یاشاسین اؤز قادینلیغینا اینانان بوتون قادین لار.
