قادینلار اوچون فيتنئس تمرین‌لری
قادینلاريميز اوچون نظرده توتولموش بو فيتنئس زاماني هئچ بير یئمک رژیمی گرکلي دئييل، يالنيز ساغلام یئمک لر و تمرین لرین دوزگون قورولموش پلاني. واختيندان و دوروموندان آسيلي اولماياراق، قادینلاريميز دوزگون یئمک لری یئرینه یئتیریب و پلان اوزره تمرین ائتمه‌ليديرلر کي، هر زامان ساغلام و گؤزل قالسينلار.
سایین قادینلاريميز، دیققت ائدین کی واخت سورونون بهانه ائتمه ییب اؤزونوزه دوشونملی سینیز!
ساغلاملیق بیر نعمتدیر یا اونو قورویون یادا الده ائدین!
ایندی اونون الده ائدیب قوروماغین یئنی قاپی اؤزل ایدمان بؤلومو ایله بیرلیکده اوخویوب تمرین ائده ک.
سیزلر تام او چاغلار کی سئويملي تلویزیون وئرليشلرينيزی (دیزی،فیلم و….)ایزله ییرسینیز، ان آزي “پرئس” و “اوتوروب-دورما” حرکتلريني راحاتليقلا تمرین ائده بيلرسينيز. هر ثانيه نيزي ساغلامليغينيز اوچون صرف ائدين!
ان اویغون بودور کی ائوینیزده تردمیل(قاچیش ایدمان ماکیناسی) و ثابیت چرخ (دورغون بیسیکلت ائروبیک اوچون) اولا و سیزلر تمرینلرین تام دوغروسونو یئرینه یئتیره سینیز.
بو تردمیل بيرينده ساکيت گزمکدن (سورمکدن) سورعتلي قاچيش (سورمک) سونرا ايسه يئنه سورعتي ائنديريب باشلاديغينيز سورعته کئچه‌سينيز. بوتون بو پروسئس 1 ساعات داوام ائدير پيراميد(هرمی) شکلينده. اساس اودور کي، 40 دقيقه دن آز اولماسين، چونکي اورتا حسابلا 40 دقيقه اکتيو تمرین ائتديکدن سونرا کالرینین اريمه سیراسی باشلانير. قالان 20 دقيقه ايسه ياغ قاتلارينين اريمه‌سينه صرف اولونور.
آغير چکيلردن ايستيفاده ائتمک فيتنئس زاماني واجيب دئييل. سادجه 15-20 دقيقه عرضينده 3-5 kg وزنه(دمبل)ايله شیددتلی و خیزلی ايشله‌مک کيفايت ائدير. اؤزل بیر يئر پرئسه ده آيريلماليدير.
داها گوجلو و پراتیک فيتنئس اوچون سؤزسوز کي، فيتنئس تمرینلرینه قاتيلماق لازيمدير. تمرینلر چاغی فيکيرلرينيزي تام پلان اوزره توپلایین و دانیشیقلاری ساخلايين تمریندن سونرايا، چونکي بو سيزه مانع اولاجاق. بونو ائتمک سيزه چتينديرسه، پیسکولوژی(روانی) جهتدن بونون قایداسی وار – ايدمان گئییمینیزین باشليغيني (کاپشن) گئيينين و قولاقجيلاري تاخيب، سئويملي موسيقي دينليه‌رک تمرین ائدين.
بو اؤنرلر فيتنئسی یئنی باشلايانلار اوچوندور. ايلک ده ییشیکلیغی حيس ائتمک اوچون 2 آي تمرین ائتمه‌ليسينيز. تمرینلر اورتا حسابلا 1،5 ساعات واختينيزي آلاجاق. تمرین پلانينيزي هفته‌نين گونلرينه ائله بؤلون کي، آرادا کاسلارینیز(عضله لرینیز)دینجلیب یئنیدن باششلاماق لاری اوچون 2-3 گون واخت قالسين.
آراشدیریب ،توپلاییب ائدیت ائدن : آیهان میانالی
