یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
قارا بالیقدان قار یاغیر
قارا بالیق اوچماغا چیرپینارکن، قار الدی قارانلیق لارا، هر دنه سی داغدان آغیر. قاری ننه نین قیزیلی جوجه سی تور توخویان هؤروچک لرین جانینا تیترتمه سالدی، قارابالیغین تانریچاسی زومار آیی نین دوققوزو آرازدا بوغولدوسا دا، اونون قلمینده سایسیزجا اوچماق دوشونن فیکیر دوغولدو.
صمد بهرنگی، آذربایجان اوشاق لارینین گنج اؤیرتمنی 1318-جی ایلده تبریز شهرینده دونیایا گؤز آچدی، درسینی قورتاران همن، 18 یاشیندان دوغو آذربایجان شهرلرینده اوشاق لارین گؤزلرینی اوخول لاردا ایشیقلی بیر دونیایا آچماغا چالیشدی، 1341-جی ایلده اؤیرتمنلیک ائدرکن اینگیلیسجه لیسانسینی تبریز بیلیم یوردوندان آلدی و سینیر سئومز اؤیرتمنیمیز ادبییاتدا دا سینیرلاری ییخیب باتی یازارلارینین گؤزل ایش لرینی چئویرمه یه قول قویدو، یازارلیقدان و چئویرمنلیکدن آرتیق، آذربایجان فولکولوروندا آراشدیرماغا دا باشلامیشدی، آنجاق دونیانین دار گؤزلری صمدی آرتیق گؤره بیلمه دی و 1347-جی ایلینین زومار آیینین دوققوزونجو گونو، 29 یاشلی صمده آرازین قوجاغیندا همشه لیک اولاراق لای-لای دئدی.
زومار آیی نین دوققوزو، صمد بهرنگی نین دونیایا گؤز یومدوغو گونون ایل دؤنومونو باش ساغلیغی وئریریک.
