یئنی یازې‌لار / Yeni Yazılar
آنا صفحه Ana Səhifə / اوشاق‌لار / اوشاق پیسکولوژي‌سی / اوشاغينيزی باشا دوشمه‌يه چاليشين…

اوشاغينيزی باشا دوشمه‌يه چاليشين…

usaginizi-basa-dusmeye-calisin-yeniqapi-

اوشاغينيزی باشا دوشمه‌يه چاليشين…

سيزجه اوشاغينينيزی یئتدیگی قدر باشا دوشورسونوزمو؟حال‌بوکی،اوشاغينيزی باشا دوشمک سيزين اونونلا ایلگی‌لرینیزی آیارلاماغا دا یاردیم ائده بيلر…..

اگر آنالار و آتالار هله‌ده اوشاق‌لارینا قارشی “یانلیش دوروم توتماقدا” داوام ائديرسه و يا اَن کیچیک بير حرکتينده بئله صبير سيزليک گؤستريرسه،دئمه‌لی، هله ده اوشاغینی باشا دوشمور. ائله ايسه اوشاغی باشا دوشمک نه اوچون لازيمدير؟

باشقا سؤزله،آنا-آتانین طرفيندن باشا دوشولمه‌دن اوشاق سوره‌کلی باسقی‌لارا معروض قاليرسا،بونون چئوره‌ده‌کی ائتکی‌لری نه اولا بيلر؟

فيکيرلريميزی بير اؤرنک‌له ايضاح ائتمه‌يه چاليشين. اؤرنک اوچون، بدنيميزين بير يئريندن شيکايتينيز اولدوغونو و بونا گؤره دوکتورا مراجعت ائتديگينيزی دوشونَک.اؤرنه‌یی بير آز دا کونکرئکتلشديرک. مثلا، آياغينيزين آغريدیغینی دوشونَک. دوکتورونوزا آياقلارينيزين آغريدیغینی دئيَنده دوغال کی،او دا سيزه چئشیت‌لی سورغولار وئره‌جک و خسته‌ليگينيزين وضعيتيندن آسیلی اولاراق چئشیت‌لی آناليزلر ایستییه‌جک .

usaginizi-basa-dusmeye-calisin-yeniqapi-1

بوتون بو بؤلوم‌لردن سونرا دوکتورونوزون خسته‌ليگينيزين معیّن ائتديگينه ايناناجاق‌سينيز و دوکتورا گووَن‌ديگينيز اوچون دئديکلرینی ( حتّی سيزه چَتين اولسا بئله )يئرينه يئتيرمه‌يه چاليشاجاق‌سينيز .ايندی ده عکسينه دوشونون. دوکتورا آياغينيزين آغریدیغینی دئييرسينيز. دوکتوردا سيزه هئچ بير سورغو وئرمه‌دن و يا هئچ بير آناليز ایسته‌مه‌دن  درمان يازير. دوغال کی ، بئله اولدوقدا دوکتورون بو ايشده جیددی اولمادیغینی دوشونوب و دئديکلرینی يئرينه یئتیرمییه جکسينيز.حتّی اوسته ليک بو حرکتينه گؤره اونو تنقيدده ائده‌جکسينيز.

اوشاغين ائتدیگینین نَدَنین بيلمه‌دن باشا دوشمه‌يه چاليشمادان تپکی وئرمک ده تام بونون کیمیدير.

اوشاق بير حرکت ائدير. آنجاق بونو ائدرکن بیلینج(شعور)آلتینداکی دوشونجه‌لرينين ائتکی‌سی آلتيندا قالير.

اؤرنک اوچون،دووارا شکيل چکن اوشاق بو حرکتی ايله دوواری گؤزللشديردیگینی و بئله‌ليکله آناسينين اونو داها چوخ سئوه‌جگینی دوشونور.بو دوشونجه ايله دووارا شکيل چکن اوشاق شکیلی آناسينا گؤسته‌رير.اگر بئله دورومدا آنا شکیلی بير قارالاما کیمی دَیَرلَندیرسه و بونا گؤره فیزیکسل آجیقلانماغا و يا شفاهی آجیقلانماغا  موراجعت ائديرسه،دوغال کی:

اوشـــــاغين روحونــــــدا ساغالمـــــــاز بير ايـــــــز بوراخاجـــــــــــــــاق.

usaginizi-basa-dusmeye-calisin-yeniqapi-2

موناسیبتی ايله اوشاغینی اؤز ائتدیگیندن اوزاقلاشديرماق ايسته‌ين آنا-آتا بلکه‌ده داها جيددی پروبلئملرين مئيدانا گلمه‌سينه سبب اولورلار. عئينی‌له خسته‌سینی دينله‌مه‌دن درمان يازان دوکتورون اونو داها جيددی بير تهلوکه ايله اوز-اوزه قويماسی کیمی.حال‌بوکی آنـا و یا آتـا اوشاغینی دينله‌مه‌يه چاليشسا ايدی ،هم سورونو هئچ‌ده اونو دوشوندويو کیمی اولمادیغینی گؤرر، همده اوشاغا پیسکولوژی ضربه وورمادان دووارا شکيل چکمه‌گين پيس ايش اولدوغونو باشا سالا بيلردی.
باشقا بير سورون ايسه اوشاغين اؤز ائتدیکلرینی قاریشدیرماسی‌دیر بئلن کی، بعضن اوشاق ائتدیگی حرکته گؤره عکس تپکی گؤرور آنجاق بونا باخماياراق آنــا-آتــا ايله “باغلی‌لیغا داوام ائتمک اوچون” اؤز حرکتینی دانیب یالان سؤیله‌ییر.اصلينده بودا اوشاغینی باشا دوشمه‌دیگینی گؤسته‌رير.

حال‌بوکی اوشاغينيزی باشا دوشمه‌يه چاليشسانيز و آماجینیزی الده ائده بیلمه‌سز  بير اوزمان‌لا دانیشیب بو اولای‌دان سؤز آپارسانیز یانلیش ائتمک احتيمالی دا آزالار.

ائله ايسه بو حرکتلرین سببي ندير؟

و يا

اوشاق‌لار منفی حرکتلرينده نييه تاکید ائديرلر…؟

*باخیش‌لاری جلب ائتمک اوچون
*آنـــا-آتـــانی جزالانديرماق و اينتيقام آلماق اوچون
*گوجونو ايثبات ائتمک اوچون
*اؤزونو ايفاده ائتمک اوچون…

آیریجا اوسته دئدیک‌لریمیزه اوشاقلار آراسيندا قيسقانجليق، اؤزونو اينامسيز و اؤزگوون‌سیز گؤره‌ن چاغ و….. کیمی قونولاری‌دا آرتیرا بيله‌ريک.حتّی بیر سورو اوشاقلار اوچون بو مادده‌لرين سایینی 50-يه ده چيخارماق اولار بونا گؤره ده،اوشاغينيزی باشا دوشمه‌يه چاليشين و یالنیز بو گونکو يوخ،هله گله‌جکده‌کی پروبلئملرين ده قارشیسینی آلماغی اونودمايين.

usaginizi-basa-dusmeye-calisin-yeniqapi-3

 

کؤچوروب اویغونلاشدیران :  آیهان میانالی

آيهان ميانالي

 

 

 

 

 

اوشاق‌لارلا ایلگی‌لی یازیلار اوخویون

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

QarDenesi-www.YeniQpi.com-

قار دَنـه‌سی…

قار دَنـه‌سی… قار دَنـه‌سی داريخيردی. قرارا گلدی کی، بير آز اوچسون. اوچـدو، اوچـدو…بير آغاجين بوداغينا …

Leave a Reply

Your email address will not be published. Required fields are marked *