دانیشماقدان گوموش یاغسادا سوسماقدان قیزیل یاغار
اؤزللیکله ده سئوديکلرینی اينجيتمکدن قورخورسانسا،
سوسماق او زامان ابدی اینجه‌لیک دیر.سوسماق دا دانيشماق جان اؤنملی اولور بعضاً. (نوری پاکديل)دانيشماق ياخشيدير، سوسماق داها ياخشيدير. ايفراطا واراندا ایکیسی ده پيسدير. ( ژان دو لا فونتن )سوسماق، اينسانی اله وئرمه‌ين صاديق بير دوستدور. ( کنفوسیوس )
يا سوسماق، يا دا سوسقونلوقدان داها ده‌یرلی بير سؤز سؤيله‌مک گرکدير.
دانيشماق احتيياج اولا بيلر، آما سوسماق بير صنعتدير. ( یوهان ولفگانگ فون گوته )
گؤزلدير قارشیلیقلی سوسماق. داها گؤزه‌لی ده گولوشمک. ( فردریش نیچه )
اگر سوسسان، دانيشيغين داها ایشیقلی اولار. چونکی سوسقونلوق‌دا هم سس‌سيزلیگین ایشیغی، هم ده دانيشماغين فايداسی گيزليدير. ( شمس تبريزی )
اگر سوروشسانيز کی، “سس‌سيزليک ندير؟” .. جاواب وئره‌ريک: او بؤيوک روحون سسيدير. يئنه سوروشسانيز: “سس‌سيزليگين ميوه‌لری نه‌لردير؟” جاواب وئرريک:‘اؤز اؤزونو ايداره ائده بيلمک، گرچک جسارت اولان متانت، صبير، تمکين و سایغی.’ »
بعضاً سوسماق، سؤيله‌نيلن بير چوخ سؤزدن داها چوخونو ايفاده ائدر. ( مونتئسکییو)
اينسانلار نئجه دانيشماق لازيم اولدوغو باره‌ده درس آلارلار، آما ان بؤيوک بیلیم، نئجه و نه زامان سوسماق گرکدیگینی بيلمکدير. ( لئو تولستوی )
دايان، دينله. دورمادان دانيشسان، هئچ بير شئی ائشيده بيلمزسن. ( قيزيل‌دریلی آتاسؤزو )
سنه سس‌سيز قالماق یئتنه‌یی بخش ائديليب، واتسون. بو سنی چوخ ده‌يرلی بير دوستا چئويرير. ( شرلوک هولمز )
بير اينسان، سؤيله‌دیگی شئيلردن چوخ سؤيله‌مه‌ديکلری ايله ده اينسانلاشار. ( آلبر کامو )
اوشاقلارينيزا ديللرينه حاکيم اولماغی اؤيره‌دين، دانيشماغی نئجه اولسا اؤيرنه‌جک. ( بئنجامين فرانکلين )
اينسانلار سوساراق دا دانيشا بيلرلر.
آليشميشيق هر قاباغيميزا چيخان اويغون اولمايان سؤزلرله دانيشماغا. سوساراق دينله‌مک گرک حاياتی، طبیعتی، اؤزوموزو. سوسماق چاره‌سيزليک دئييل، گؤزل اولانی تاپماق و لازيم اولدوغو زامان سؤيله‌مکدير.
دانيشماغی، یوروملاماغی چوخ سئوريک. دوشونجه‌لريميزده حاقلی چيخماغی دا …. سئچمه‌ديگيميز تک قونو سوسماقدير. دينله‌مک، و يا ايزله‌مکدير. (گرچکلری گؤره بيلمک، آنلايا بيلمک اوچون)
سوسمالی اولدوغو يئری و چاغی ياخشی بيلن اينسان، چئوره‌سینده سئويلر و ساييلار.
سوسماق.. يئتکينليگين گؤستریجیسی.. بؤيوکلوگون عظمتی.
سوسماق بعضاً اؤزونله دانيشماغی اؤيرنمکدير.
سوسماق بعضاً سوسماغی اؤيرنمکدير.
Yazını bu əlifbada oxuyun: TÜRKCƏ
