استرس ایله ایدمان آراسیندا یاشایان ایلگی‌لر
استرس ندير؟
استرس اينسانين حایاتی بويونجا قارشيلاشديغی دوروم‌دیر. استرس اينسانی اوزگون ائدن بير دورومدا اورقانيزمين وئرديگی تپکی دير. بو اوزولمک اينسانين فيزيکینه، زئینینه و داورانيشلارينا ائتکی بوراخا بيلير. هر بير اينسان حاياتی بويونجا دفعه لرله استرس ياشايير. استرس، دوپامين و سئروتونين هورمونلارينين آزالماغينا سبب اولور. اينسانين اؤزونو ياخشيی حيس ائتمه‌سينی ساغلایان اساس هورمونلار دوپامين و سئروتونين دير.
دوپامين ندير؟
دوپامين اينساندا ايستک، دویغو و لذت ساغلایان بير هورموندور. اينسانا یاشامیندا لذت وئرن دوپامين هورمونو آزالديغيندا، بئيينين دوپامين هورمونونا اولان احتيياجی آرتار و اينسانا لذت وئرن شئيلرين تکرار اولونماسينی ا ايسته‌ير. اؤرنک اوچون: اينسان موسيقی‌يه قولاق آسديغی چاغلار لذت آلارسا، موسيقی بيتديکدن سونرا تکرار قولاق آسماق ايسته‌يير.
سئروتونين ندير؟
سئروتونين اينسانين اؤزونو انرژی‌لی حيس ائتمه، ساکيت و موتلو حيس ائتمه‌سينی ساغلاییر. سئروتونينين باشقا آدی “موتلولوق هورمونو” اولاراق دا آدلانديريلير. بير چوخ پسيکولوژی خسته‌ليکلر، سئروتونين دنگه‌سیز اولماغی ایله مئيدانا گلير. قارانليق يئرلرده، سئروتونين هورمونو آزالير. بو دا، اينسانين اؤزونو اوزگون حيس ائتمه‌سينه يول آچير. اونون اوچون ده، دئپرئس‌لیک داها چوخ سون باهار ایله قيش آيلاريندا اوز وئریر.
استرس ایله ایدمان
تکواندو، کاراته و باشقا اَسنک‌لیک ایسته‌ین ايدمان چئشیتلری استرسين قارشيسينی آلماقدا بؤيوک رول اوينايير.
بونونلا بيرليکده آغيرليق قالديرماق، اوزمک، قاچماق و بو کيمی تمرین لر استرسين قارشيسينی آلير.
بوتون بونلار سئروتونين هورمونونون آرتماسينا ائتکی بوراخدیغی اوچون، استرسين قارشيسينی آلماغا یاردیم ائدير.
ايدمانا باش قاتماقلا سئروتونينين آرتماسينی اؤزونوزه اولان گووه‌نين آرتماسی ايله ده تانیملایا بيلرسينيز. اؤزونوزه اولان گووه‌نينيز آرتيقجا دا، استرسدن اوزاقلاشا بيلرسينيز. اگر هر هانسی ايدمان چئشیتی ايله مشغول اولماغا واختينيز يوخدورسا، داواملی اولاراق اوزمک، قاچماق، چرخ سورمک اوچون گونلوک 30-60 دقيقه آراسی واخت آييرا بيلرسينيز.
Yazını bu əlifbada oxuyun: TÜRKCƏ
