کومپلئکس‌لیک‌لر(۳)

 کومپلئکس‌لیک‌لر(۳)

دیلیمیزده تؤره‌دیلمیش کومپلئکس‌لیک‌لر (مفهوم گرگین‌لیگی)

آشاغیداکی اصطلاح، عزیز تدقیقاتچی‌میز اوستاد سیدسلامت‌ین وریندن دؤنه دؤنه ایشلندییی اوچون آچیقلانیر:

[إرکک اینک . . .] (فارسجا، «گاو نر‌»ین ترجومه‌سی)
اوستادین دئمک ایسته‌دیگی آد آنجاق «اؤکوز» دیر!

اینانیلمازجاسینا، بئله بیر کومپلئکس اولان‌ و گرگین‌لیک گتیرن ترکیبین ایشلنمه‌سی آراشدیریجی بیریسی‌نین طرفیندن هامیمیزی دیکسیندیره بیلر!

حقیقت بو دیر کی:
«اینک» دیشی دیر!
«اؤکوز» إرکک دیر!
«إرکک اینک» دئیه‌نده سانکی «إرکک قیز» دئییلیر. (قیز کی إرکک اولا بیلمز! اینک ده إرکک اولا بیلمز!)
قرار دئییل دیلیمیزده اولان آری دورو بیر آدی قیراغا آتاق و اونا ایضاحلی آد قونداراق!
دیلیمزده بئله‌جه گرگین‌لیک گتیرن کومپلئکس‌لیک اورادان یارانیر کی، باشقا بیر دیلین (فارسجانین) کریوللانمیش قایداسی اساس گؤتورولور و تورکجه‌نی کورلاییر!
بو ایش عادی ادعاسیز کیمسه بیریسیندن اوز وئررسه، هرحالدا، بیرجور سیغیشدیرمالی دیر آنجاق تدقیقاتچی بیریسیندن بئله بیر دهشت ایشه گؤز یومماق اولماز؛ بونا گؤره کی، باشقالاری اونو اؤزلرینه شابلون ائده‌رک ایشلتدیکده دیلی اؤز ایچیندن پوکالدیرلار.

 

ناصر منظوری

Yazını bu əlifbada oxuyun: TÜRKCƏ