یئنی یازې‌لار / Yeni Yazılar
آنا صفحه Ana Səhifə / ادبیات / قاپی / فرانس کافکا

قاپی / فرانس کافکا

قاپی / فرانس کافکا

قاپی / فرانس کافکابيری یاشام بويونجا هر چاغین حقوق اوخوماق ايسته‌يير. وکيل اولماسينی تامين ائده‌جک هر شئيی ائتمه‌يه راضی ايميش. و چکينمه‌دن، گئديب، حقوقون قاپيسيندا گؤزله‌مگه باشلايير. اولدوقجا هئيبتلی، بؤيوک قاپينين قارشيسيندا، ايچری آليناجاغی گونون، وکيل اولا بيله‌جگی آنين خياللارينی قوراراق هيجانلا گؤزله‌مگه باشلايير.

آرادان ايللر کئچير، آما قاپی هئچ آچيلمير کی، آچيلمير. لاکين قهرمانيميز عزميندن هئچ بير شئی ايتيرمه‌دن صبيرله گؤزله‌يير. ندنسه، نه قاپی اونون اوزونه آچيلير، نه ده وکيل اولماق اوچون موراجيعت ائدن باشقا بيريسی گلير. ايللر دورمادان کئچير. قهرمانيميز ياشلانيب اؤلومه ياخينلاشديغی واخت ياشلی بير آدام قاپييا طرف گلير. يازيق قهرمانیميز او قدر اوتانجاق اولور کی، اؤنجه قاپينين هانسی سببدن اوزونه هئچ آچيلماديغينی سوروشا بيلمير. لاکين ماراغی اوتانجاقليغينا قاليب گلن قهرمانيميز چتين ده اولسا – “من اوزون ايللردير کی، وکيل اولماق اوچون بو قاپيدا گؤزله‌ييرم، حقوق بو قدر مشهور ايکن، بو ايللر ده هئچ گليب موراجيعت ائدن اولمادی، نييه کیمسه وکيل اولماق ايستمير؟ – دئيه، چکينه – چکينه اونو اوزگون ائدن سورغونو وئرمه‌يه ماجال تاپير.

ياشلی آدام گولومسيه‌رک، ” اصلينده سنه ماراقلی اولان قونویو بيليرم. هامييا عؤمرو بويو بيزدن ايسته‌ديکلری قاپيلاری بيز بيردن چوخ حاضيرلاييريق. او قاپيلاری دا اصلا باغلی ساخلاماريق. سن بو ايللر بويو قاپينين قارشيسيندا گؤزله‌دين، بيزه يالواردين، دوعا ائتدين، نه قدر ايستکلی اولدوغونو گؤسترمک اوچون موختليف يوللاری سيناقدان کئچيردين. آما بير دفعه اولسون قاپينی آچماغا جهد ائتمه‌دين. اگر قاپينين گؤرکميندن حئيرتله‌نيب قورخماسايدين، بو قدر بؤيوک بير قاپينين بير بارماق، بير چيرتما ايله بئله قولایجاسینا آچيلا بيله‌جگينی گؤرردين. بيز سيزه حقيقتن ايسته‌ديگينيز هر قاپينی حاضيرلاياريق، آما آچيب آچماماق تاماميله سيزه بوراخيلميشدير.

نييه هئچ کيمين گلمه‌ديگينی ده ماراقليديرسا، هر قاپی يالنيز بير آدام اوچون یاشاماحاضيرلانير. بو قاپی دا يالنيز سنين اوچون حاضيرلانيب و ايندی من سنی ده اؤزومله گؤتوروب قاپينی سونسوزا جان آچيلماياجاق شکيلده باغلاييرام. گل، گئتمک واختيدير!” – دئيير

 

چئویرن : ایلکین تومار

کؤچورن : آیهان میانالی

Yazını bu əlifbada oxuyun: TÜRKCƏ

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

ماوی ایتین گؤزلری

ماوی ایتین گؤز‌لری / قابرییئل قارسییا مارکئز

ماوی ایتین گؤز‌لری / قابرییئل قارسییا مارکئز اۏ، دیقَّت’له‌ منه‌ باخېردې، من‌سه، بو قېزې اؤنجه‌لر …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

بیر یۏروم / Bir Yorum

Leave a Reply

Your email address will not be published. Required fields are marked *