یئنی یازې‌لار / Yeni Yazılar
آنا صفحه Ana Səhifə / ادبیات / یاغیش یاغیر / یئتیم ائیـواز

یاغیش یاغیر / یئتیم ائیـواز

یاغیش یاغیر / یئتیم ائیـواز

یاغیش یاغیر / یئتیم ائیـواز

یاغیش یاغیر، یاز یاغیشـی، یاغ آی یاغیش

یاغگیـنان سن، سنه احسن، سنه آلقیش، یاغ آی یاغیش
یاغگیـنان سن بو چؤل‌لره چمن‌لره، یاغگیـنان سن
سوسوزلوقـدان خزان اولان چیچک‌لره یاغگیـنان سن
یاغگینان سن آرزیـلارا دیلکـلره، یاغگیـنان سن
مَحَبّت دن آلوولانان اورک‌لــــــره یاغگیـنان سن
یاغگیـنان سن، یاغا_یاغا، ایسلادگیـنان پالتاریمـی
قایتار منـه گنجلیکـده‌کی اؤز عهدیمـی-ایلقاریمـی
ائله یاغ کی قوی ایسلانـسین ألیمده‌کی قلم،واراق
یادیمـدادی، نئجه یاغدین، دوز اوتوز ایل بوندان قاباق
ائله گؤزل یاغمیشـدین کی، ایسلانمیشـدی اوز_گؤزوموز
اوتورموشدوق قالا آلتیندا، بیر پالیدین آلتیندا، بیـز
سن یاغدیقـجا دامجی‌لارین سَپیلیردی اوزومـوزه
ایکیـمیزده ایسته‌میردیک، دوروب گئدک، ائویـمیزه
قورخوردوق کی دوروب گئدسَک، خَلَل گلر سئوگیـمیزه
سن ائله بیر شعرسن کی، سن ائله بیر نغمه‌سن کی
آغزین یوخدو، دیلین یوخدو، نئجه دئییم بیله‌سن کی
سن یاغانـدا یاماج‌لارا، دوزنلره، جان وئریـرسن
زمی‌لرده سونبول‌لرین داماریـنا، قان وئریرسن
یاغ آی یاغیش، قوربان اولوم سَحَره‌ جن یاغگیـنان سن
دایانمادان قالا آلتینـدان، شَهَره‌ جن یاغگیـنان سن
یاغگینان کی، گیله‌زی ده شوران، دوزلرده چیچک آچـسین
بو اؤلکه‌دن بو دیـیاردان، غوصّه_کدر، اوزاق قاچـسین
یاغا_یاغا نه اولار کی، خبر آپار سئوگیلیـمـه
آمان گوندو بو حالیمی، بو گونومو، اونا دئمـه
دؤیه_دؤیه پنجره سین، دئگیـنن کی گلیبـدی یاز
قالا آلتینـدا، حَسَرتیـله یؤل گؤزلیـییر ، یتیم ائیـواز
یاغیش یاغیر، اونا قوربان اولـوم

عجب یاغیر، اونا قوربان اولـوم
گلـدین اگر قالا آتینا، گزمـه‌گـه
منی ده چاغیر، سنه قوربان اولـوم
یاغگینان کی، قوی چین اولسون آرزیلار
هر اورَکـده گؤر نه قدر آرزو وار ؟

سن یاغماسان، من بیلیرم آج قالار،

یئتیم آغی، سنه قوربان اولـوم
یاغیش یاغیر اونا قوربان اولـوم…
یاغگینان کی، قوی قاییتسین، او چاغ‌لار
غم_غوصّه دن اوزاق اولسون اوشاق‌لار
سن یاغانـدا، جـوشا گلیر بولاق‌لار
چای‌لار آخیر، سنه قوربان اولـوم
یاغیش یاغار ، اونا قوربان اولـوم
عؤمرونون یوللاری، اولسون باهار_یاز
دینسین مجلیس‌لرده، همیشه کامان_ساز
او پالیدین آلتینـدا اوتوروب ائیـواز
یاغیشا باخیر، اونا قوربان اولـوم
عجب یاغیر، اونا قوربان اولـوم
گلدین اگر، قالا آلتینـدا، گزمـه‌گـه
منی ده چاغیر، سنه قوربان اولـوم
یاغیش یاغیر، اونا قوربان اولـوم

Yazını bu əlifbada oxuyun: TÜRKCƏ

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

IMG-20190815-WA0000

یوخو سمفۏنی‌سی / زهرا نجفی

یوخو سمفۏنی‌سی / زهرا نجفی إنیر دارېخما دالانېندان اونودولموش اۏتاغېما سَریلیر بارماق‌لارېندان سۏل_باس کیلیدی یازېلېر …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *