قادېن و مارت آيې‌نېن 8-نجی يالان تراژئدی‌سی…/ آیهان میانالې

قادېن و مارت آيې‌نېن 8-نجی يالان تراژئدی‌سی…/ آیهان میانالې

دوندورمانې يئ اۏغلوم،
آرخانا دۆشۆنـمَزدن
بير ملک يانېر،
بير ملک اۆچۆر،
بير ملک موم کيمی أريڲير،
بير ملک يئنه ويترين‌لرده قوتلانېر.
مارت آيې آياق‌لارېن باسېر 8-نجی گۆنۆن مزارېنا….
و يئنه خاطېرلانېر تاريخين اينجيميش ساعات‌لارې!
اينسان‌لار يارېشمازدان باش‌سېز تبريک‌لر’له چيچک‌لَنيب سئوينج اۏلورلار.
ياشاسېن قادېن، يالنېز بو گۆن…!
صاباح‌لاردان يئنه حئيوان دۏلوسو باخېش‌لار، اۏخلاياجاق قادېن‌لاری.
يئنه قوللانېلاجاق قادېن‌لارېمېز.
يئنه يالان سئوگی‌لر
يالان باخېش‌لار…
يالان..
و يئنه يالان!
جانېم اۏغلوم دۏندورمانې يئ!
قۏی اۆره‌ڲين سرينله‌سين

بو گۆن آنانېن گۆنۆدۆر

بیلیرم دۆنیا قادېن‌لارې اۏنا گۆنۆدۆر!
آرخانا باخمازدان گله‌جکـده أرکک‌ليڲينه دۆشۆن!
يالان‌لار بۏغاجاق گله‌جک‌لری….

نه گؤزل گؤز-گؤزه تیکیب، یالانـدان گۆنۆن قوتلو اۏلسون دئیه‌جکلر اینسان‌لار!
دۆنیا قادېن‌لارې، بوگۆن تاریخ آغلایېر اینسان‌لېق اۆچۆن، سیز ده بارې آغلایېن!
تبریک-قوتلاماق اۆچۆن بیر شئی گؤره بیلمیرم.

چیرکین‌لیک، دۆنیانې باشېنا آلېب، گؤتۆرۆب گئدیر، بارې یالان باخېش‌لارېن گئتدیڲی یئر،

جهنّمین دیبی اۏلسون!

بیر آنانېن اۏغلو: آیهان میانالې

Yazını bu əlifbada oxuyun: TÜRKCƏ