یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
قار آدامی / قاسیم پناهی
بو گئجه
پنجره میزدن دوشدو آیین یولو
گوموشو ساچلاری
دیب اوتاغیمدا اسدیکده
گؤزلریمده یاکاموز پارلادی
سنه ساریلدیغیم فوتولار
ایچیمده کی آج قوردون ببکلرینده گؤروننده
ایللردیر
ایچیم سنسیزلیگینی اولاییر
سانجیلانمیش کیمی
سوکوت
یوخلوغونون موزیکین
ساکسیفونلا چالیر قولاغیمین دیبینده
شعرلریمین دوداغی اوچوخلاییر
ایکیمیز اوچون دوزنله نمیش اوتاقدا
و خیالیم
هئیدن دوشور
گؤزلرینین ایلغیمیندا
ندنسه کانئکت اولا بیلمه دی
اوره کلریمیز سئوگی پایلاشماغا
ایلک اولاراق
ویبره یه دوشدو جانیم
آه…
بو آی گئتسه
قارا دولاجاق اوتاغیم
سیبئریانین گئجه لری کیمی
دامو کیمی
و من
سنسیزلیگینه آلیشدیقجا
قار آدامینا چئوریله جه یم
شعریمین سون میصراع سیندا
“قاسیم پناهی”
یاشاسین قاسیم داداش
تشککورلر آیحان قارداشیم چکدیگین زحمتلر اوچون مین یاشا