آتاما / هدیه شفاقت

آتاما / هدیه شفاقت

اولور دا…
دولارسان آدسيز، سبب‌سيز،
سيغيشا بيلمزسن گئن کائناتا
گؤزلرين زيلله‌نر بير بوش نؤقطه‌يه
ائلـَجه قالارسان،
ائلجه،
آتا….
اولور دا…
أل‌لرين أسر ائلـَجه
ياپيشا بيلمزسن هئچ اؤز ياخانـدان
هامی
اوزاقلارا چکيلر، گئدر،
اورَگين بويلانار دؤردگؤز،
ياخاندان…
اولور دا…
نه او يان، نه بو يان قالار
نه اؤلوم،
نه حايات،
نه هيجانی
سسله‌يَر اوزاقـدا بير کوما سنی
يوخودا گزرسن حَيَط-باجانی…
اولور دا…
قوی اولسون!
نه اولاجاق کی؟
نه کی، اولاسييـدی، اولوب، آی آتا
بير سن ائتديگيندی اولماياجاق ايش
اونو دا ائتميسن،
کئچيب دای، آتا…

هدیه شفاقت

Yazını bu əlifbada oxuyun: TÜRKCƏ