یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
کيشی‌لری قادين‌لاردان اوزاق‌لاشديران داورانيشلار
سيزه دلی کيمی آشيق اولدوغونو دوشونسه‌نيز بئله، داورانيشلارينيز’لا اونو اؤزونوزدن سويودا بيله‌جگينيزی اونوتمايين.
نئجه کی قادين‌لار کيشی‌لرين بعضی داورانيش و حرکتينـدن سويويور و اوزاق‌لاشيرسا، کيشی‌لر اوچون ده عئينی شئی کئچـَرلی دير. اونو اؤزونوزدن اوزاق‌لاشديرماق ايستـَميرسينيزسه، داورانيشلارينيزا گؤز گزديرمه‌لی‌سينيز.
کيشی‌لری قادين‌لاردان اوزاق‌لاشديران باشليجا داورانيشلار:
هر قادين قارشی جينسدن ديقّت گؤزله‌يير. آما بونون داها آرتيغينی گؤزله‌مه‌یين. کيشی‌لر ياراديليش‌لارينا اويغون اولاراق سيزه ايسته‌ديگينيز ديقّتی گؤرست‌مـَگه بيلرلر. اگر اونو ديقّت گؤرسَت‌مـه‌سی اوچون سيخيشديرسانيز، اوزاق‌لاشماسينا سبب اولارسينيز.
البتته، اؤزونـه گووَن هر زامان تام اولمالی دير. آنجاق ميقدارينـدا! کيشی‌لرين هر شئيی بيلديگينی ظن ائدن، هر زامان اونون دئـديگينين دوغرو اولدوغونو دوشونن قادين‌لاردان خوش‌لاری گلمير.
هر کس آزاددير، طبيعی کی. آنجاق بونو “من ايسته‌ديگيمی ائـدرم!” شکلينده دئييل ده، اونون’لا اورتاق قرارلار قبول ائده‌رک ائتمـه‌گينيز علاقه‌نيز اوچون داها ياخشی اولاجاق. کيشی‌لر “دئـديگيم دئديک” قادين‌لاردان اوزاق‌لاشيرلار.
سويوق‌قانلی اولون! أن خيردا بير پروبلئمده تلاشا دوشوب مثأله‌نی بؤيوتمه‌یين. کيشی‌لر پروبلئم يارادان قادين‌لاری دئييل، پروبلئم حل ائـدن قادين‌لاری سئويرلر.
حددينـدن آرتيق ماکياژ’لا گؤزل اولدوغونوزو دوشونورسونوزسه، سيزه پيس خبريميز وار! کيشی‌لر حددينـدن آرتيق ماکياژدان نيفرت ائديرلر.
اؤزل باخيمينيزا اؤزگه قالمايين. هر زامان آرزی اولونماز توک‌لرينيزدن واختينـدا قورتولون، گؤزل قوخو گلسين. کيشی‌لر تر ايـيی گلن قادين‌لاردان ايشيق خیزی ايله اوزاق‌لاشيرلار.
کؤچوروب اویغونلاشدیران: آیهان میانالی
Yazını bu əlifbada oxuyun: TÜRKCƏ
