ساده‌جـه سـَن یاشا / سحر بارانی (شعر)

ساده‌جـه سـَن یاشا / سحر بارانی (شعر)

ايچيمده فېرتېنا قۏپاجاق
شَهَرين بۆتۆن آغاج‌لارې
آنـا دئيه باغېرېرلار أزبرلـَرينی
و قان قوسور
آغېزلارا چارمېخلانان تاختا ديل‌لـَر
ايچيمـده
قاسېرغالارا دؤل‌لـَنميش
بير عۆصيان اۏيانېر كۆل آلتې دويقولارېنې
و
آنــامېن،
قېزېم چاغېران، قايغې‌لارې ايسلانېر
گؤزلـَرينده…
كؤرپـه تانرېچــالار
سۆت پای‌لارېنې باغېشلاياراق قوتسال دوزلاق‌لارا
اۏووج-اۏووج
تۏرپاق آرتاجاق شَهَرين سېنېرلارېنـدا
و باسدېراجاق
كۏر اۏلاسې قېسقانج باخېش‌لارې
سـَن
ساده‌جـه سـَن
ياشاياجاقســـان
مين ايل‌لـَر بۏيلو آبيده‌لـَرين
غُرورلــو باخېش‌لارېنــدا
و
آنـــام-
دان
پای
وئرمـَــم
دئيـــــه
اوجالان قاندال‌لې كلمــه‌لـرده
ساده‌جـه سـَن
ياشـــا…..
سـَـن.

Yazını bu əlifbada oxuyun: TÜRKCƏ