یئنی یازې‌لار / Yeni Yazılar
آنا صفحه Ana Səhifə / ادبیات / ايتيريلميش گۆن‌لـَر / دينۏ بوتساتی

ايتيريلميش گۆن‌لـَر / دينۏ بوتساتی

ايتيريلميش گون‌لـَر / دينو بوتساتی

ايتيريلميش گۆن‌لـَر / دينۏ بوتساتی

إرنئست کازيررا گؤرسه‌دیش‌لی ماليکانه‌يه صاحيب اولدوق‌دان بير نئچه گون کئچميش ايشدَن گئری دؤنـَرکن اوزاق‌دان گؤردو کی، بير نفر کوره‌گينـده ايری کارتون قوتو، ماليکانه‌نی دؤورله‌يـَن حاصارين آرخا قاپی‌سينـدان چيخاراق قوتونو يوک ماشینی‌نـا قالديرير. او اؤزونو يئتيرمه‌گــه ماجال تاپماميشدی کی، تانینمامیش بیری‌سی يولا دوشدو. کازيررا ماشينيندا او آدامی تعقيب ائتمه‌گـه باشلادی. يوک ماشينی شَهَرين اوجقار یان یؤوره‌سینده‌کی بؤيوک بير دَره‌نين یانی‌نـا چاتانا’جان چوخ يول گئتدی. کازيررا ماشيندان دوشدو کی، گؤرسون نه باش وئرير. تانینمامش بیری‌سی، قوتونو ماشيندان آشيريب بير نئچه آدديم آتديق‌دان سونرا اونو ميليون-ميليون عئينی جور قوتولار اولان دره‌يه تولازلادی.
کازيررا او آداما ياخينلاشيب سوروشدو:
– من سنی بو قوتو ايله بيرليکـده حَيَطيمــدن چيخان گؤرموشم. اونون ايچينده نه وار؟ و بوتون بو قوتولار نه دئمک دير بئله؟
تانینمایان آدام اونا نظر ساليب گولومسه‌دی:
– توللانمالی بو قوتولاردان ماشينيم‌دا هله کئفين ايسته‌يـَن قـَدَر ده وار. بيلميرسَن؟ بونلار گون‌لر دير.
– هانسی گون‌لـَر؟
– سَنين گون‌لـَرين.
– منيم گون‌لـَريم؟
– بلی، سَنين ايتيريلميش گون‌‌لـَرين! او گون‌لـَر کی، سَن اونلاری ايتيرميسَن! سَن اونلاری گؤزله‌ييردين، إلـه‌می؟ ايندی اونلار گليبلر. سن اونلار’لا نه إتميسَن؟ بير باخ، اونلار هله ده توخونولماميش قاليبلار.
کازيررا قوتولارا نظر سالدی. بو، حدسيز سای‌دا کارتون توپاسی ايدی. او، إنيش’له آشاغی دوشوب قوتولاردان بيرينی آچدی.
اونون ايچـه‌ری‌سينده بير پاييز يولو، بير قـَدَر ايره‌لی‌ده ايسه اوندان هميشه‌ليک آيريلان نيشانلی‌سی “قراتسيئلا” گؤرونوردو. و او، نيشانلی‌سينی هئچ سَس‌لـه‌ميردی ده…
او، باشقا بير قوتونو آچدی. اورادا بير خسته‌خانا پالاتاسی، ياتاق‌دا ايسه آغير دورومـدا اونون يولونو گؤزله‌يـَن دوغما قارداشی کوزو واردی. او ايسه ايش‌لـَری ايله ایلگی‌له‌نـَن شَهَرلری دولاشيردیی…
کازيررا اوچونجو قوتونو آچدی. کؤهنه، کاسيب بير إوين قارشی‌سينـدا آرتيق ايکی ايل دير يولونو گؤزله‌يـَن صاديق کئشيک‌چی ايتی – بير دری، بير سوموک ديک اوتورموشدو. او ايسه قاييتماق باره‌سينده هئچ دوشونموردو ده…
کازيررا حيس إتـدی کی، اوره‌گی آغزی‌نـا گلير. قوتو داشييان دره‌نين قیراغینـدا جللاد کيمی شاخ دايانميشدی.
– سينيـیور! – دئيه کازيررا اوجادان سؤيله‌دی. – قولاق آسين. قويون، بو گون‌لـَردن هئچ اولماسا اوچونو اؤزوم’له آپاريم. سيزه يالواريرام، هئچ اولماسا بو اوچونو. من چوخ وارلی‌يـام. سيزه، نه ايسته‌سه‌نيز وئـره‌رَم!
قوتو داشييان، سانکی هانسی’سا أل‌چاتماز بير نؤقطه‌نی گؤرسه‌دیرميش کيمی، إلـه بيل “آرتيق چوخ گئج دير، داها هئچ نه إتمـَک مومکون دَگيل” ،– دئمک ايسته‌يـه‌رَک، ساغ ألی ايله نَسه ايشاره إلـه‌دی. سونرا بير گؤز قيرپيمينـدا يوخا چيخدی و نهنگ، سيرلی قوتولار توپاسی دا بیرددن-بیره گؤزدن ايتدی.
آرتيق گئجه‌نين قارانليغی يئره چؤکمکـده ايدی…

چئویرَن: جمشید جمشیدوف

چئویرَن: جمشید جمشیدوف

کؤچوروب اویغونلاشدیران: آیهان میانالی

Yazını bu əlifbada oxuyun: TÜRKCƏ

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

Luici Pirandello-YeniQapi.com--

دَڲیشدیریلن اوشاق / لوییجی پیراندئللۏ (حیکایه‌)

دَڲیشدیریلن اوشاق / لوییجی پیراندئللۏ (حیکایه‌) بۆتۆن گئجه‌نی سَحَره‌ قدر قېشقېرتې، چېغېرتې سَس‌لری کسمه‌دی. آنجاق …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *