اوشاق‌لاری کیتاب’لا یولداش إدین!
دوشونجه‌لی آنا-آتالار اوشاق‌لاری‌نين کيتاب’لا دوست‌لوق قوروب، عؤمور بویو اونلارین اوخوماغینی ايسته‌ييرلر. آنجاق اوشاغا، یالنیز سؤز اولاراق، کيتاب اوخوماسينی سؤيله‌مک يئرينه، اونلارا اؤرنک اولماق اوچون کيتاب اوخوماق داها ياخشی يولدور. سيزلره، اوشاق‌لارینيزين یاشامیـنا إتکی بوراخان، بو گؤزل دوست‌لوغو قازانديرماق اوچون، نه‌إتمه‌لی اولدوغونوزو، آچیق‌لاییریق.
– إوینیزده کیتاب إوی قورون!
بیر إوین لاپ گؤزل یئری‌نین آدینی آپارساق، `کیتاب إوی` کسگین‌لیک’له، بیرینجی آد اولاجاق. کیتاب إوینیزی، باجاردیق’جا، گؤزل و اؤزل، دوزلدین.
– اؤنجه، اوشاغينيزين يانيندا، کيتابا، درس‌لره آييرديغينيز چاغی، شيکايت کيمی آنلاتمايين.
بو ایشی، سئوه‌رک إتدیگینیزی، آچیق‌لایین.
– اونا بير کيتاب سئچمه‌سی اوچون یاردیم إدرکن، ياشينی و ایستک‌لرینی گؤزده آلين.
– اوشاغينيزا، سيزين ده او ياش‌لاردا سئوديگينيز کيتاب‌لاری، گؤرسه‌دين.
– اونو کيتاب سرگی‌لرینه، کیتاب‌لارین تانیتیم تؤرن‌لرینه، أدبی ییغینجاق‌لارا و بونلار کیمی یئرلره آپارماغينيز، کيتابا اولان ماراغينی آرتيراجاق‌دير.
– زور’لا، گوج’له، اونا هئچ بیر شئیی، سئودیرمه‌یین!
ماراق، سئوگی و إتکی‌لنمک، یاواش-یاواش اولاناق‌لی اولار.
او زامان، اؤز ألینیز’له، اوشاق‌لارینیزی کیتاب کیمی سئویم‌لی دوست‌دان، بئزدیرمه‌یین.
آیهان میانالی
