یئنی یازې‌لار / Yeni Yazılar
آنا صفحه Ana Səhifə / ادبیات / نثر / حیکایه / أبلفز شفاسی / ذکیه ذولفقاری

أبلفز شفاسی / ذکیه ذولفقاری

ابلفز شفاسی / ذکیه ذولفقاری

أبلفز شفاسی / ذکیه ذولفقاری

قادین محررملیک گیرندن قالمیشدی قیزینین ألینـده، هر گون هاوا قارانلامامیشدان تاتارلانیب، گئیینیب بزنیردی ؛دورما گلدیم شاخسئـیه؛ دسته‌یه. قادین یازیق بیلمیردی هانگی دردینه یئتیشسین.آتاسی إوین بیر گوشه‌سینده سیز- سیز سیزیلداییر؛درد ألیندن قیوریلیر-آچیلیر، بیر یاندان دلی دولو اوغلو ایکی آیاغین تپیب بیر باشماغا کی منیم نذریم وار محله‌نین دسته‌سین تاسوعا گونو إوه دعوت ائتمیشم.

کیچیک إوین  بیر گوشه‌سینده  قوجا کیشی‌نی خسته‌لیک أماندان سالمیشدی. زیققیلداییب زاریلدیردی.هردن آغری‌لاری شیدتلی توتاندا ایلان تک قیوریلیب آچیلیردی.نیمداش کؤهنه رنگی قاچمیش یورقان دؤشه‌گین اوستونده اوزانمیشدی .دؤشه‌گین یانیندا بیر بالاجا پلاستیک دولچا ایچینـده نایلون گؤزه دَگیردی. معده‌سی بولاناندا او دولچایا قایتاریردی .آچیق تاختا پنجره‌دن هردن بیر خوشا گلیم نسیم ایچری‌یه گیرسه ایدی ده قوجا ایچیندن یانیردی. گچـدن  قارا دوواردا اولان قدیمی بیر کؤهنه ساهاتین تیک-تاکی قوجانین بئینینه ایشلیردی.بو گون تاسوعایدی قیزی نین باشی چوخ شولوغویدو .ألینده اولان بئش-اون تومن پولودا وئریب دسته‌یه وئریلن إحسانا  ور-وسایل آلمیشدی.قوجانین حالی چوخ خارابیدی.سسی چیخار-چیخماز قیزینی چاغیردی.قیز درهول ایچری گیردی.

_بالا منه بیر آغری کسیجی وئر سانجی أماندان سالیب منی.

قادین چکمه‌جه‌یی آچیب گؤردو درمان یوخدو.

آتا درمان بیتیب؛ایندی ده هر یئر باغلیدی.  او درمان‌لاردا سنه کار سالمیر .آنجاق منیم باشیم دا بتر قاریشیقدی.بیر آزدان دسته گلیر حیه‌طه سنی آپاریب دسته  قاباغیندان یاتیردارام حضرت أبلفزدن شفاوی آلارسان.

اولسون  بالا ایشیوه یئتیش ایمام  حسین عوضین وئرسین.جانیم قوربان ابلفزله دؤهتورده اودو درماندا.

بیر آزدان طبیل‌لرین سسی بونلارین کؤهنه ساخت ائولرین تیر-تیر تیتردیردی.دسته حیه‌طه گیرمه‌میشدن بیر سورو خانیم، پوزلو- موزلو، عطیر-پودورلو،کیشی یاتان اوتاغا گیردی .جومالاشیب پنجره نین قاباغینا. دوردولار.  قوجانین آغیرعذابدان ،طبیل‌لرین سسیندن بئینی پاتلاییردی.

قیزی گلدی :

آتا دور گئدک حیه‌طه ،سنین دؤهتورونده أبلفز دیر درمانیندا.

قوجا سیزیلدایاراق:

دوزدو بالا گل یاپیش دوروم. یاأبلفز اؤزون کؤمک ائله.

بیر ایکی نفرله قوجانی قاوزاییب گوجویله حیه‌طه آپاردیلار. دسته‌نین قاباغیندا اوزالدیب اوستونه بیر پتو سالدیلارودسته باشی اونو گؤروب چوخ شورا گلدی یا ابلفزهارایی گؤیه قالخدی. ایکی جاوان اوشاقـدا گوجویله طبیل‌لره دؤشویورلر. زنجیرلر گؤیه قالخیب قیژیلدیلا کؤرک‌لره ورولوردو و هین سسی قوزانیردی …اوردا اولانلار هامیسی قان یاش تؤکورلر. بئش اون دیقه بو گؤرملی و کدرلی صحنه‌لردن سونرا  دسته باشی هامینی ألی‌ ایله اوتورماغا دعوت إله‌دی ، زنجیرلری یئره قویوب باغداشی قوروب اوتوردولار.. نوحه خوان بیر یانیق‌لی ابلفز مرثیه‌سین اوخوماغا باشلادی. پنجره‌ده دوران قیزلار ین گؤزلری ، هئش وضعیتی گورمه‌میش تک،هیجانلا دسته اوزرینده فیرلانیردی.یئره اوتوران جاوان‌لاردا  او طرف‌لرده نه‌سه آختاریردیرلار.

قادین بیر نئچه کومکچی‌ایله، پیشیردیگی قیمه پلووی قاب‌لارا چکیردی  اوغلان‌لار دا پایلاییردیلار.اورتا دا اوزانان خسته کیمسه‌نین یادیندا دگیلدی. إوین اوغلو فیر-فیر فیرلانیردی هردن بیر پنجره‌نین اؤنونه کئچیب قاش-گوزویله بیرینه بیر شئی‌لر آنلاتیردی.

هامی یئییبایچنـدن سورا دسته آیاغا قالخدی.او آندا قادین گلیب آتاسی‌نی إوه آپارماق ایستدی.پتونو قیراغا چکنده او جان قیشقیردی:

بابا…….

بیری او طرفـدن دئدی:

خوش حالینا أبلفز شفاسین وئردی

 

ذکیه ذولفقاری

Yazını bu əlifbada oxuyun: TÜRKCƏ

یازار / Yazar : نفیس سینافر

نفیس سینافر Nəfis Sinafər

بو یازېنې دا اۏخویون /Bu Yazını da Oxuyun

photo_2017-12-13_12-17-42

مارالین جئیران قوناغی / محمد حسن نژاد

عزیز بالام گل یانیما  گل اۆره‌گیم، بارماق‌لاریم داریخیب ساچ‌لاریندان ساری؛ یام یاشیل داغین یاماجین‌دا بۏل …

بیر یۏروم / Bir Yorum

  1. قوجا اؤلدو؟

Leave a Reply

Your email address will not be published. Required fields are marked *