یئنی قاپې Yeni Qapı یئنی قاپې، یئنی بير باخېشدېر تۆرک دۆنیاسېنا
نَفَس‌لرین…/ بولود مرادی (شعر)
نفس‌لرین قوش للـه‌ڲی…
آغزېنداکې سؤزجۆک‌لر پېرېلدایېر اوچوشورلار
بیر
بیر
گۆللـه دَڲیر، دۆشۆرلر
قانایا…
قانایا…
بو قۏجا کافه‌نین هاوالې باشېنا
یۏرقون فینجان‌لارېن ماوی دۏداغېنا
آدام‌لارېن گلیب-گئدن دارېخمالارې دېر
قاپې‌لارېن آچېلېب اؤرتۆلن کیرپیک‌لری کیمی
قاناد چالېردېن…
قاناد چال…
قانا…
نفس‌لرین قوش‌لارېن قتلی-عامېندان سۏنراکې گؤڲ دیر…
بالتالارېن اینتخابات گۆنۆندن اؤنجه شهر
بو ماسکالې نفس‌لر
آغاج‌لارېن آلېن تری
من شعر یازماغا کاغاذ آختاراندا
نفس‌لری…
ن…
إله‌جه سرین
رنگی آتمېش
قوش‌لار دۏداغېمدا دۏنوب
إله‌جه…
دۏنوب دۏداغېمدا قوش‌لار
گۆلۆش‌لری…
ن…
بۏش یئریمیزی گؤرسه‌دیر
بو فینجان‌لارې گتیرَن قارې
گؤڲ‌لری باغلایېر…
نفس‌لرین عاشیقانه بیر شعرین سۏنو دېر…
بللی دَڲیل…
