یئنی یازې‌لار / Yeni Yazılar
آنا صفحه Ana Səhifə / ائل بیلیمی / قیزیل‌ آلما شؤلنی / رامین جبرائیلی اندریان«یاشار»

قیزیل‌ آلما شؤلنی / رامین جبرائیلی اندریان«یاشار»

قیزیل‌ آلما شؤلنی / رامین جبرائیلی اندریان«یاشار»

قیزیل‌ آلما شؤلنی

 

کؤکو اینانجا، اینانجی میللتـه باغلاییب میللتیمیزین تورکلویونـه سایقی دویماغی اولو تانرییا سایقی دویماق ساناراق أسکی تورک اینانج‌لارینـدا ایکی جور اینانج تؤره‌نی گؤروروک.

 

1-چاغی بلیرلنمیش تؤرن‌لر: ایل بایرامی، آخیر چرشنبه، چؤل گونو، سونای بایرامی، چیلله آخشامی،…

 

2-اولای‌لار اوزرینـدن دوزنله‌نن تؤرن‌لر: اؤلوم-دیریم تؤرن‌لری، یاس‌لامالار، دوغوم گون‌لری،گون یا آی توتولما تؤرن‌لری،…

 

«تؤره تؤرن‌سیز اولماز!»

 

ددم قورقودون کیتابینی دؤنه-دؤنه اوخویوب یاشادیقـدان سونرا کیتابین نه اولدوغونو باشا دوشمک اولور!

«دده قور‌قودو اوخویا-اوخویا قورقودلاشاجاقسان»

 

دده‌مین کیتابینی اوخودوق‌دا گؤروروک تؤرنـدن سؤز گئدیلن یئرلرده قوربان کسمکله إحسان وئرمک آدلاریـدا  گئدیلیر.

دده‌م بئله بویورموش:

«آتـدان آیغیر، دوه‌دن بوغرا، قویونـدان قوچ قیردیرین»

بورادا “قیردیرین” تورکون یاشاییشی‌نی اؤزونـده تاسارلایان گؤی تانری اینانجینـدا اولاراق قوربان ائدین آنلامیندادیر!

« بیر کیشی قوربان کسر، بیر ائل قوربان قیردیرار»

 

تورکون هر بیر تؤرنی قوربان‌سیز اولوشمامیش‌دیر! آما بو آرادا تورکون ذاتینـدان قایناقلاناراق آنالیقلا نسیل تؤرتمه‌یه سایقی دویاراق  قوربان اوچون چوخراق أرکک حیوان‌لارین باشینی کسرمیشلر.

«قوربانـا قوچ آلمیشام»

 

قوربان اولان یئرده یوزه-یوز إحسانـدا اولارمیش. نیه کی قوربان کسمک إحسان وئرمک اوچونوموش. قوربان أتینـده هامی‌نین پایی اولا بیلدیگی اوچون قوربان إحسان ساییلار.

«قونشو قوربان پایی گتیرمیش»

 

گؤی تانری اینانجینا قاییتدیقـدا قوربانلیغا “آیدوق” سؤیله‌نرمیش! بیزیم باخیش آچیمیزدان آیدوق سؤزجوگو  آییرماق سؤزوندن آلینمیش‌دیر.

«سورودن قوربانلیق آییردیق»

«سورونون آیدوغو بو قوچ اولموش»

 

شفاهی کتیبه‌لریمیزی آراییب-آختاردیقـدا گؤروروک إحسان وئرمه‌یه تورک اینانج‌لارینـدا “ساوورقا / ساوورقاماق” سؤیله‌نیلیرمیش.

 

عمومی إحسان وئرمه‌لرده”شیلان”یا”شؤلن”سؤیله‌نیلیرمیش کی زامان سوره‌جینـده شؤلن آدی داها چوخ ایشلنه‌رک آیری-آیری آنلام‌لاریـدا قازانا بیلمیش‌دیر.

«دده‌لر اوجاغـا بیر کندی، شؤلنـه بیر میللتی توپلایارمیش‌لار»

 

«مین اوجاق، بیر شؤلن»

 

شؤلن آدی‌نین چاغداش آنلام‌لارینـدان بیری ده أن بؤیوک، أن موحتشم‌لیک آنلامی دیر.

 

«شؤلنی‌میز گون باتانـدان-گون چیخانـا»

 

 اوجقارلارا سارایلانیب شاهانه آماج‌لاری‌میزین آیـدان آری-سودان دورو آدینی “قیزیل آلما” آدی ایلا داشییان اولو آماج‌لاریمیزا “شؤلن” آدیـدا أکله‌ننـده قیزیل آلمامیز دونیا سوییه‌سینه چاتاجاق‌لیغینی گونئی‌لی-قوزئی‌لی آذربایجانی‌میز بویـدا بیر یالچین قایادان باشلامیش اولور.

 

«قیزیل آلما شؤلنیزین اوغرونا اوغوز بابام چیخمیش اولسون»

 

رامین جبرائیلی اندریان«یاشار»

 

 

Yazını bu əlifbada oxuyun: TÜRKCƏ

یازار / Yazar : نفیس سینافر

نفیس سینافر Nəfis Sinafər

بو یازېنې دا اۏخویون /Bu Yazını da Oxuyun

elçi daşı2

دب‌لریمیز / ائلچی داشی

  دب‌لریمیز / ائلچی داشی ائلچی داشی: کئچمیشده باشقا کند یا ائلـدن سؤز (ساو / سوو) …

Leave a Reply

Your email address will not be published. Required fields are marked *