چیلله‌لی قیش / پاشا موغانلی
گؤزۆن‌ده بیر قورخو، مین‌بیر هیجان
ایلاهی نه دویور خیالین گؤرن!؟
کؤنلۆن‌ده یاشیل و سیجاق بیر موغان
سن‌‌می‌سن رؤیام‌دا منی اؤلدۆرن!؟
بیر اولای سیندیریب یئنه ووقاری
کئچمیشی بوسبوتون ایتیردیم داها
قالدیریب ایچیم‌ده یئتیم دوواری
چکیلیر کیم‌لیگیم بو گۆن صاباحا
گلیب گؤزلریمین اؤنۆن‌ده دوروب
باخیرام کؤنلۆنۆن پنجره‌سین‌دن
گلیشین سئوینجی بئینیمه ووروب
قوپاردین تنی‌می یئرکۆره‌سین‌دن
گؤزلرین گؤزۆمه زیلله‌نن چاغی
إله‌بیل کؤکسۆم‌دن گۆلله سوووشدو
دوداغین بیر آن‌لیق گۆلله‌نن چاغی
سۆرک‌لی قیشیم‌دان چیلله سوووشدو
پاشا موغانلی ۱۳۹۷ گولن آی
