یئنی یازې‌لار / Yeni Yazılar
آنا صفحه Ana Səhifə / ادبیات / قاپ‌قارا گۆنش / گۆنل عیمران

قاپ‌قارا گۆنش / گۆنل عیمران

قاپ‌قارا گۆنش / گۆنل عیمران

قاپ‌قارا گۆنش / گۆنل عیمران

محکمه پرۏسئسی قارانېن خسته‌ليڲِی‌نه گؤره چۏخ إرته‌لنميش‌دی. نهايت کی، بو گۆن پرۏسئس سۏنا چاتاجاق‌دې. ترسليک‌دن هاوا یئنی‌لندیریجی‌لر ايشله‌ميردی. سالۏن‌دا أڲله‌شن‌لرين ووردوق‌لارې عطيرلرين، بدن‌لری‌نين تر اييی بير-بيری‌نـه قارېشمېش‌دې. قارا إحمال باخېش‌لار’لا یان-یؤوره‌یه باخېردې. سالۏن‌داکې‌لار بئله آجېماسېز اينسان اۆچۆن أن آغېر اؤلۆم جزاسې‌نېن وئريلمه‌سی‌نی آرزې‌لايېردېلار. بو اينسان اؤلۆمۆن ده أن دهشت‌لی‌سی‌نـه لاييق ايدی. حاکيم قرارې اۏخودوغو مقام‌دا هر کسين ديقتی‌نی قراردان اوزاق‌لاشدېران ميلچک قارانېن آلنې‌نـا قۏندو.

هر بير يارادېلان یاشام‌دا اؤز آمالې‌نې يئری‌نـه يئتيرمه‌لی دير. یاشامې ساعات‌لارا بؤلمک أن بؤيۆک آخماق‌لېق‌دېر. سوسوزلايان‌دا بير ایستیکان سو ايچن‌ده هر قورتومو سايېرېق‌مې؟ کپه‌نک قانادلارې‌نېن قالدېرا بيله‌جه‌ڲی بير یاشام گۆجۆنه چاتاناجان قاناد چېرپېب اوچاراق ياشار. بو فيکيرلرين هامې‌سې قارايا عاييد ايدی. آما محکمه سالۏنون‌دا حاکيمين قرارې‌نې گؤزله‌يرکن بونلارې خاطېرلامېردې. هر کسين اۏنا اؤلۆم جزاسې وئريلمه‌سی‌نی آرزې‌لادېغې، گؤزله‌ديڲی واخت اۏ، اؤلۆمۆن نه اۏلدوغونو اونوتموشدو.یاشام بیتمه‌ڲن سۏنسوزلوغا چئوريلميش‌دی. یاشامې‌نېن أن خۏشبخت آن‌لارې‌نې ياشايېردې. گؤزلری چۏخ گۆجسۆزله‌میش‌دی. گؤزلۆڲۆنۆ بورا گلرکن گؤرمز‌دن تاپدالايېب سېندېرمېش‌دې. ايندی آلنېن‌دا وېزېلدايان قارا ميلچک گؤزۆنه آغ کپه‌نک کيمی گؤرۆنۆردۆ. بير واخت‌لار قورتاردېغې آغ کپه‌نک‌لر…

توت آغاجې‌نېن آلتېن‌دا دورموشدو. بالاجا، آرېق قارا يئشيڲی چۏخ چتين‌ليک’له بورا گتيرميش‌دی. يئشيک‌ده‌کی بارامالاردان آغ کپه‌نک‌لرين چېخماق اۆچۆن نئجه جان‌ آتماق‌لارې‌نې ايزله‌ييردی. تېرتېل اۏلدوق‌لارې زامان اؤزلری‌نی حبس إتديک‌لری آغ زيندان‌دان کپه‌نک اۏلاراق آزاد اۏلماق ايسته‌ييرديلر. بارامادان چېخان‌دان سۏنرا کپه‌نک‌لر یاش قانادلارې قوروياناجان اوچا بيلمه‌ميشديلر. قانادلارې قورويان‌دان سۏنرا اوچماغې اؤرگه‌نن کپه‌نک‌لر توت آغاجې‌نېن دؤوره‌سين‌ده رقص إدر’جه‌سی‌نـه اوچموشدولار. اۏ گۆن قاراگيلين إوين‌ده چۏخ سای‌دا باراما قاينار سويا آتېلمېش، کپه‌نک‌لر هله اوچمازدان محو إديلميش‌دی. قارا گۆجۆ چاتدېغې قَدَر کپه‌نک یاشامې‌نې قورتارمېش‌دې. نه اۏلسون کی، کپه‌نک یاشامې قېسادېر…

حاقّېن‌دا جينايت ايشی آچېلان‌دا قارانې إوی‌نين یئرآلتې قاتېن‌دا، چۆرۆک تاختالارېن آراسېن‌دا تاپمېش‌دېلار. بۏينون‌دا قايېش اۏلماسايدې، قارانېن چۆرۆک دؤشه‌مه‌نين اوچماسې‌نـا گؤره بو حالا دۆشمه‌سی‌نی دۆشۆنرديلر. خسته‌خانادا گۆن‌لر’له کۏمادا اۏلموشدو. آيېلان‌دا یاشاما، تر- تميز آغ صحفه‌دن باشلايان کؤرپه اوشاق کيمی ايدی.

قارانېن محکمه پرۏسئسی وکيلين سۏنونجو ايشی ايدی.

یازار: گۆنش عیمران

یازار: گۆنش عیمران

کؤچۆرۆب اویقونلاشدېران: آیناز بزرگان

کؤچۆرۆب اویقونلاشدېران: آیناز بزرگان

یازار / Yazar : آیناز بزرگان

بو یازېنې دا اۏخویون /Bu Yazını da Oxuyun

ماوی ایتین گؤزلری

ماوی ایتین گؤز‌لری / قابرییئل قارسییا مارکئز

ماوی ایتین گؤز‌لری / قابرییئل قارسییا مارکئز اۏ، دیقَّت’له‌ منه‌ باخېردې، من‌سه، بو قېزې اؤنجه‌لر …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *