دۏداق‌لارېوېن غزلی / سخاوت عزتی(عندلیب)
بیر سؤز کیمی دیندیر منی بال تک دۏداغېن‌دا
قات ماهنې‌یـا شور ایله موبارک دۏداغېن‌دا
عیسا کیمی أمواته نفس وئرمه‌ڲـه قادیر
جان‌لار جانې وار إی قارا بیرچک دۏداغېن‌دا
گؤردۆک‌ده سنی قودرتِ آللاها ایناندېم
وارلېق تؤره‌نیر سئوگیلی گؤیچک دۏداغېن‌دا
دانلاق’لا دئمزدی منه، کئچدی غزل عصری
گؤرسَیدی غزل ذۏوقونو تک- تک دۏداغېن‌دا
گل «عندلیب»ین قۏیما جهان‌دا آدې باتسېن
بیر گۆن جۆجه‌رَر‌سن بو آدې أک دۏداغېن‌دا
