یئنی یازې‌لار / Yeni Yazılar

قادین / پینار شاکر

قادین / پینار شاکر

قادین / پینار شاکر

قادین دئدییین
من دئییلم کی
فاطما
ترزا
مریم
سنین آنان
سنی دوغان
قوتسال تانری دئییلم کی
باخ
آلداتیر منی
ویترینده کی مانکن لرین
شهوت سل باخیشلاری..
گؤزلری خیاوانلار فاحیشه سی,
پالتارلاریم منی گئیینیب
شالواریم ال لریمی قویور جیبینه..
چانتام گؤتوروب گئدیر منی..
قادین دئدیيین
من دئییلم
من
قارا ریمل
قیرمیزی روژ
بازارلاردا ساتیلی
ایران ریالی
گئت به گئت اوجوزلا شیرام
۲۰۱۴ون لئیلیسی
سنین جینسی ایستک لرین
سنین کؤپه ی اوغلو باخیشلارینین
کیرلنمیشی..
سوچلوسو ،
چادیرالیسی..
قیرمیزی ساچلاریم جهننمین اودو…
وارلیغیم،
چیرکین تقویم لرین سئزاریان دوغوملوسو..
سوس شئعیریم
دوغوم گونوم سانجیلانیب..
تانرینین آپاندیسی پاتلایاجاق..
من زامانین یائیسه لیغینده دوغولموشام..
عدالت له حقیقتین نامَحرَم لیغینده،
داشلایاجاقلار منی..
مَحرَم کؤپه ی اوغلو لار
آساجاقلار سنی..

پینار شاکر

یئنی باخیش دیر تورک دونیاسینایئنی قاپی

یازار / Yazar : پينار شاكر Pınar Şakir

27 آذر 1374 گونش ایلی آذربایجانین ادیب لر و بؤیوک شاعیرلر ویازار لار شهری ،اورارتولارین پایتختی اولان سالماس شهرینده گنج و استعدادلی شاعیر، رسام، مقاله یازاری پینار شاکر آنادان اولدو. پینار شاکر 8 یاشیندان تورکجه شعر یازیب و گنج یاشلاریندا 4باشقا شاعیرله بیرلیکده آذربایجان ادبیاتیندا قارالاما مانیفیستینین تملینی قویوب بوگون آذربایجان گنج شاعیرلرین ین ایچینده آدلیم لاردان ساییلیر. پینارین شعرلرینده وطن سئورلیک و آذربایجان سئوگیسی اؤزه ل بیر یئره مالیکدیر. بو گنج شاعیر و یازاردان اونلار مقاله، اؤيكو، شعر، قادین لار حاققیندا آراشدیرمالار آغری، آنا وطن، دعوت و...درگی لرینده چاپ اولوب و چوخلو وبسایت لاردا یاییملانیب دیر. پینار شاکر "آذربایجان مدنیت ائوی " نین، قادینلار و عاییله ایشلر باشچیسی اولاراق بوگونه دک آذربایجانیمیزین کولتورونده و فولکلوروندا اولان یاز بایرامی، نوروز گونو، سون چرشنبه لر ،چیلله و...مراسیم لرینین قوروجوسو وهفته لیک قادینلار ائتگینلیی و اوشاقلار ائتگینلیی آردیجیل اوتوروملارین آپاریجیسی و آذربایجان تاریخینده ایلک اولاراق 1394 گونش ایلی اوشاقلار دونیا گونو قورولان همایشین دبیری اولوب. قید ائتمک لازیمدیر بو همایش ده 1500 جلد تورکجه اوشاق کیتابی 750 اوشاغا پای وئریلیب و سالماسین ارشاد اداره سینین آمفی تئاتریندا قورولان بو مراسم ده تورکجه تئاتر پینار خانیمین یؤنتمنليی ایله، آذربایجان رقصی، آذربایجان ماهنی لاری و...ایفا ائدیلدی. ايندي ليكده يئني قاپي سايتينين يازارلاريندان اولاراق آزربايجانيميزين گلجه يينه ائتكيلي آدديملار آتير.

بو یازېنې دا اۏخویون /Bu Yazını da Oxuyun

sevinc elsevər-yeniqapi

قارېشقا قادېن / سئوینج إل‌سئور

قارېشقا قادېن / سئوینج إل‌سئور بۆتۆن قېشې مطبخ‌ده‌کی ایشکافېن آلت گؤزۆن‌ده گؤزله‌دی إوین خانېمې‌نېن باهاردا …

بیر یۏروم / Bir Yorum

  1. معصومه باهارلی

    پینار خانم یاشاگینان والله.سنی اوزاغدان تانیرام و شخصیتینی چوخ سویورم.کاملا بیر آذربایجانلی قیز سارای کیمین.هم اوزون گوزلسن همده گوزل یازیسان.بیز تبریز قیزلاری سنی چوخ سویوروز.سنی الله ساخلاسین ائلیمیزه.سایتدا یازیلارینیزدان استفاده ائلییریک و هر گون باش چکیریک.ساغولون بو قشنگ ایشلریزله.

Leave a Reply

Your email address will not be published. Required fields are marked *