یئنی یازې‌لار / Yeni Yazılar
آنا صفحه Ana Səhifə / ادبیات / اۏ یۏل‌داکی قیز / توحید نامور(آدلیم)

اۏ یۏل‌داکی قیز / توحید نامور(آدلیم)

IMG_20181217_181647_676

اۏ یۏل‌داکی قیز / توحید نامور(آدلیم)

ألین‌ده ژۏرنالی دؤنه‌جک کنده
بولاغا أنه‌جک اۏ یال‌داکی قیز
شکیلی بولاغا هر چکیلن‌ده
گؤرۆب اوتاناجاق ژۏرنال‌داکی قیز

راحات بوراخماییر اۏنو کۆلک‌ده
أوّلی کۆلک‌ده، سۏنو کۆلک‌ده
یئلله‌نه-یئلله‌نه دۏنو کۆلک‌ده
اوچوب هارا گئدیر خیال‌داکی قیز؟!

گؤزۆن‌ده پارلایان نم‌لی کدر’ده
گؤزل ناخیش ووروب اۆزده‌کی درده
دَگمز دیرناغی‌نـا بلکه شهر ده
نه کینۏداکی قیز، نه زال‌داکی قیز

بیر’جه خاطیره‌م دیر واریم، هئچیم‌ده
بیر گؤزل واردی می اۏ قیز بیچیم‌ده؟!
ایل‌لر دیر، بئله’جه دۆشۆب ایچیم‌ده
هله ده یۏل گئدیر اۏ یۏل‌داکی قیز

چینارلار آلتی’يلا یاشیل کؤلگه‌ده
سۏنونجو گئدردی هر گۆن جرگه‌ده
نه بیلیم، ایلاهی بودور بلکه ده
منیم ایسته‌دیگیم اۏ دال‌داکی قیز

باتمیشدی إله‌بیل تانری اییی‌نـه
راحات‌لیق گلردی باشا، بئیینه
کیمی میثال چکسم گؤزل‌لیگی‌نـه
دۆشۆب سجده قیلار میثال‌داکی قیز

توحید نامور “آدلیم”

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

sevinc elsevər-yeniqapi

قارېشقا قادېن / سئوینج إل‌سئور

قارېشقا قادېن / سئوینج إل‌سئور بۆتۆن قېشې مطبخ‌ده‌کی ایشکافېن آلت گؤزۆن‌ده گؤزله‌دی إوین خانېمې‌نېن باهاردا …

Leave a Reply

Your email address will not be published. Required fields are marked *