یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / آزاد شعرلر / تبریزی گئیینیرم أردبیلین جانی قیزمیر / رامین جهانگیرزاده

تبریزی گئیینیرم أردبیلین جانی قیزمیر / رامین جهانگیرزاده

IMG_20181226_092853_883

تبریزی گئیینیرم أردبیلین جانی قیزمیر / رامین جهانگیرزاده

گؤلۆن ایچین‌ده شاه‌لاری آختاریر تبریزین گؤزۆ
شاه‌لار بالیغا چئوریلیبلر، شاه گؤلۆنده
چؤرک قیریغی آتیرلار اۏنلارا قیزلار
أردبیلین باشی گیجه‌لیر شورابیل‌ده
بالیق‌لی چای‌دا بالیق‌لار پانکی دیر
اۏغلان‌لار قیرماق آتیب
ایلیشمه‌سین یاشیل قورباغالار
ایلیشمه‌سین قیرماق‌لارا
شهنازین بالدیری‌نـا باخیر أرک
دمیرلر یاخالاییرلار اۏنو
دؤزه بیلمز، نفسی‌نی کسر دمیرلر
شیخ صفی‌ده، شاه ایسماعیلین دیرناغی‌نی توتورلار
قارا کؤلگه‌لر
قار یاغیر
باشماق‌لاریما سوواشیر قار آدامی
اۆشۆیۆرم بو شهری
اۆشۆیۆرم بۆتۆن خیابان‌لاری
اۆشۆیۆرم داشا بۆرۆنن
نئچه مرتبه‌لی گؤرۆنن إولری
تبریزی گئیینیرم
أردبیلین جانی قیزمیر
قاری کؤرپۆسۆنده
یئددی گؤز کؤرپۆسۆ دایانیب
ساعات قاباغی دایره
ذوزَنَقه‌لرین باشی‌نـا چیخیر دؤرد بوجاق‌لار
أردبیل گئجیکدی
ایمامیه‌ده قارا بالیق‌لار
گۏران‌لارین سیبیلی‌نی قۏیوبلار
ـ دنیزده نه وار کی ـ دئییرلر.
دومان زنگ چالیر
ـ اۏتوز دَنه سۏنونجو صوفی یۏللاییرام
ساتیب پولونو یۏللایارسان.
شاه ایسماعیلین گؤزۆ کلله‌مه چیخیر
بیر نفر سۏروشور:
ـ بغیشله داااش! تبییزه هایدان گئدیری؟!!
تبریز ایچیم‌ده دۏلاشیر
ـ بو یۏلون اوجونو توتارسان
ساغ یؤن‌دن بیرینجی دؤنۆم‌دن دؤنرسن
بیر آز گئدن‌دن سۏنرا یئنه ساغ یؤن‌دن دؤنرسن
بیر آز گئدن‌دن سۏنرا یئنه دؤنرسن
دؤنرسن
دؤنرسن
تبریزین یۏلو اۏردان باشلانیر،
اۏرانی توتوب گئدرسن.
اۏ گئتدی
بیر آزدان سۏنرا کیمسه یئنه سۏروشدو
ـ عمی اوغلی أردبیله هارائینان گئدئیلر
بیر آز چاشدیم قالدیم
بیر آز قاریشدیم
لاپ إله قاریشدیردیم
أردبیلین یۏلو سۏیوقدور
شاختادیر
بۏران‌دیر
إله بورانی سۆرۆشۆب گئدرسن
هاردا دایاندین’سا، دایانارسان
اۏ سۆرۆشدۆ
دۆمبه‌لن دۆز
لاپ ایچیمه دۆشدۆ
ایچیم‌ده قار یاغیردی
اۏ اۆشۆدۆک’جه
من ده اۆشۆیۆردۆم
اۆشۆیۆردۆم
قار آدامی‌نـا دؤنۆردۆم

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

sevinc elsevər-yeniqapi

قارېشقا قادېن / سئوینج إل‌سئور

قارېشقا قادېن / سئوینج إل‌سئور بۆتۆن قېشې مطبخ‌ده‌کی ایشکافېن آلت گؤزۆن‌ده گؤزله‌دی إوین خانېمې‌نېن باهاردا …

Leave a Reply

Your email address will not be published. Required fields are marked *