کَفَنیم اۏلماغا آغ یئری ساخلا / زلیمخان یعقوب
قوش اۏلوب گئدیرم آران یئرین‌دن
یایلاق من‌دن اؤتۆر داغ یئری ساخلا
چکیم سیغاللاییم کؤرپه گۆل‌لری
باغبان‌لیق عئشقی‌نـه باغ یئری ساخلا
سئل‌لره یئم اۏلار سۆمۆگۆم-أتیم
وطن‌سیز غریبم، تۏپراق‌سیز یئتیم
داغ‌لارین قۏینون‌دا برکیگیم-بیتیم
کؤکۆن‌دن اۆزۆلمز تاغ یئری ساخلا
یئرییر اۆستۆمه غم قوجاق-قوجاق
سۏلان بیر یاپراغام، سؤنن بیر اۏجاق
قبریمی قازماغا بیر پارچا تۏپراق
کَفَنیم اۏلماغا آغ یئری ساخلا
