یئنی یازې‌لار / Yeni Yazılar
آنا صفحه Ana Səhifə / ادبیات / آغلاما ببـه‌گيم / دومان بختیاری

آغلاما ببـه‌گيم / دومان بختیاری

یارالی قاطار / دومان بختیاری

آغلاما ببـه‌گيم / دومان بختیاری

ياری‌سی قيرميزی، ياری‌سی ساری
كؤكسۆنه قالاييب هئيوانی، ناری
اۏ سئوه بيلمـه‌دی آلماليق‌لاری
قۏوزاندی داغ‌لارا، قۏشولدو يئله
آغلاما ببـه‌گيم آغلاما هله

دئيرلر ياری‌سی توش گليب قارا
ياری‌سی قارق اۏلوب قاران‌ليق‌لارا
آلما باغی هارا…؟ اۏ يئرلر هارا؟!!!
«خزر» أل‌لرين‌ده گلير ساحيله
آغلاما ببـه‌گيم آغلاما هله

آلمامی أليم‌دن روزگار آلمادی
داش آتديم آلمايا، آلما قالمادی
اۏ واخت‌دان هئچ آلما دای سارالمادی
بيزيم ده يازيميز يازيلميش بئله
آغلاما ببـه‌گيم آغلاما هله

گۆنَشه آند ايچيب اؤلمه‌يه‌جک‌دير
گلين ده چيخان‌دا، گۆلمه‌یه‌جک‌دير
بير كيمسه دردی‌نی بيلمه‌يه‌جک‌دير
ماهنی قوجاغين‌دا گله‌جك ديله
آغلاما ببـه‌گيم آغلاما هله

بو آغی سۏووشار آغلاما گۆلۆم
آلما دا گۆل آچار، ساری بۆلبۆلۆم
گؤزۆنۆن ياشی‌نی من نـه‌جور سيليم؟
آخی قافييه‌نی وئرميشم سئله
آغلاما ببـه‌گيم آغلاما هله

“دومان بختیاری”

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

IMG_20190219_234456_559

اۏ بیر قادېن‌دېر / ساناز عباسی

اۏ بیر قادېن‌دېر / ساناز عباسی قۏرخا قۏرخا یۏلونان گئدیردی. اؤز کؤلگه‌سین‌دن بیله قۏرخوردو کؤرپۆنۆن …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *