یئنی یازې‌لار / Yeni Yazılar
آنا صفحه Ana Səhifə / ادبیات / آغ کفن‌لی دنیز / آتیلا حاجی‌زاده

آغ کفن‌لی دنیز / آتیلا حاجی‌زاده

IMG_20190101_115706_906

آغ کفن‌لی دنیز / آتیلا حاجی‌زاده

جنون‌لو بیر دلی‌یم، یۏل‌لاری سایاق‌لاییرام
و اورمو سئوگیلیمین ایزلرین سۏراق‌لاییرام

دۏداق-دۏداق اؤپۆشۆرلر رؤیالی سئوگیلی‌لر
منی‌ایسه سئوگیلیمین کؤکسۆنۆ آیاقلاییرام

و خیّامین اۏ آدام‌سیز دایانماغین گؤره‌رک
هر آخشام اۆستۆ اۏنو بیر چایا قۏناق‌لاییرام

یازیب‌دی دؤنگه‌لره عؤمرۆنۆن شیرین-آجی‌سین
کۆچه‌-کۆچه شَهَرین دفترین واراق‌لاییرام

گزن‌ده تاریخیمین قان دۏلو دَلیک-دئشیگین
بو شهره خۏر باخانین گؤزلرین پیچاق‌لاییرام

میناره مسجیدی‌نین یاندیریب گۆنش چیراغین
قاران‌لیغین کؤکۆنۆ اورمودان اۏراق‌لاییرام

سحرلری چیخیرام قار بزک‌لی سیر داغی‌نی
یاماج‌لارین‌دا گۆنۆن ساچ‌لارین داراق‌لاییرام

دومان‌لی شیخ تپه‌سین‌ده دایاندیریب شَهَری
قاران‌قولوق‌دا قالان إولری چیراق‌لاییرام

مَحَرّم آی‌لاری إحسان وئریب دخیل دۆشۆرم
گلن قضا-قَدَری اورمودان اوزاق‌لاییرام

سۏنون‌دا ساغ‌لاییرام کؤهنه‌لن درین یاراسین
آیاق‌لارین‌دان اؤپۆب بۏینونو قوجاق‌لاییرام

چیچک‌لی باغ‌لاری‌نی یوخلاییب باهار فصلی
بو آغ کفن‌لی دنیز چۆن بولودتک آغلاییرام

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

IMG_20190901_052539_472

وداع مارشې / فرشته صیامی

وداع مارشې / فرشته صیامی هاوا آلاجا قاران‌لېق سس‌سیز قال وداع مارشې چالېنېر قولاق‌لارېمدا من …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *