یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / آزاد شعرلر / قادېن اۏلماق / گۆل‌ساده ایبراهیملی (شعر)

قادېن اۏلماق / گۆل‌ساده ایبراهیملی (شعر)

IMG_20190105_090655_765

قادېن اۏلماق / گۆل‌ساده ایبراهیملی (شعر)

بیر کیشی‌نین سرخۏش‌کن خاطېرلادېغې قادېن اۏلماق‌ دېر “سئویلمک”.

یالقېزلېغې دېر،

قاچېب-قاچېب اینسان‌لاردان

یۏلونو ایتیرمیش اوشاق کیمی خاطیره‌لره سېغېنماقدی.

سوسقونلوغودو،

یۏخسونلاشماسېدې،

آدام‌سېزلاشماسېدې…

هر گئجه

یانېنداکې قادېنا

کۆره‌ڲین دؤنمه‌سی دیر “سئویلمک”.

سیقار-سیقار اؤزۆنۆ اؤلدۆرمه‌سیدی.

دۏست مجلیس‌لریندن تله‌سیک گئتمه‌سیدی.

وئریلن سوال‌لارا جاواب‌سېزلېغېدې.

تانېش کۆچه‌لرین،

دۏغما آدام‌لارې‌نېن “اؤزگه‌سی” اۏلماسېدې

“سئویلمک”.

اۆستۆندن کیمسه‌سیزلیک،

یازېق‌لېق تؤکۆلمه‌سی دیر.

بیر کیشی‌نین اؤزۆنه چکیلمه‌سی دیر “سئویلمک”.

هر گۆن گؤرۆش یئرینـه

عئینی واختدا،

ساعاتدا

اومودسوز گلمه‌سیدی.

تایې آیرې یازېلمېش بیر آدېن

هئجا-هئجا کیشی دۏداق‌لارېنې اؤپمه‌سی دیر.

دؤش جیبینده ساخلادېغې أسکی، أزیک بیر شکلین اؤنۆنده هئیکـَله دؤنمه‌سی دیر.

بیر کیشی‌نین کیشی‌سایاغې اؤلمه‌سی دیر… “سئویلمک”.

یئردن، گؤڲدن ألینی اۆزۆب

بیر خیالین خاطیره‌سینـه تاپماق…

بیر کیشی‌نین سیرّی اۏلماق‌ دېر،

قادېن اۏلماق!

Yazını bu əlifbada oxuyun: TÜRKCƏ

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

سنلی خیال‌لار / مهری توانا (شعر)

سنلی خیال‌لار / مهری توانا (شعر)

سنلی خیال‌لار / مهری توانا (شعر) من اۏ اینسانام کی بلاسې چۏخ دېر اۏ قَدَر …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *