یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / آزاد شعرلر / سۏن موسافیر / بختیار نظامی

سۏن موسافیر / بختیار نظامی

IMG_20190105_093119_540

سۏن موسافیر / بختیار نظامی

یالقیزلیق تانری‌دان باشلانیر
اوتاغی‌نین ایچین‌ده بۆتۆن أشیالارین
حیس إدیر یۏخلوغونو،
قاطارلار داشیدیق’جا قورتارمیر سۏن‌سيز یۏلجولوق
دَمیر یۏلونون اۏرتاسین‌دا
بیری‌سی قولاغی‌نـا پیچیلداییر دۆنیا فلسفه‌سی‌نی،
شعر فلسفه‌سی‌نی،
شاعیرلر فیلسوف‌لاردیلار دَمیرلر دۆنیاسین‌دا.
شعر تانری‌نین یوخوسودور،
شاعیرلر گؤرۆر
یازدیق’جا
أرییَرسن
أرییَرسن
آرزی‌لارینی
بئتهۏوئنين اؤچۆنجۆ سمفونیک تراژئدی‌سین‌ده
گؤمۆرسن
سن کیم‌سن؟! نه‌چی‌سن إی اینسان!
کیتاب‌لارین کلۏکسیۏنون‌دا وارلیغین دانیشیر
تاریخین‌ده قیلینج چارپیشمالارین‌دا،
باروت قۏخوسو وار آزادلیغین اۆچۆن
آلبئر کامۏنون یازدیغی کیمی:
آزادلیغی‌نی چالان‌لار چؤره‌گی‌نی تهلۆکه‌یه سالابیلر
هله ده
وارلیغین‌دا
مقصدسیز گئدیرسن،
اۏتوردوغون قاطاردا
آرخان’جا بیر جۆت گؤز
گیزلی’جه ایچی‌نـه آغلاییر
تانری دیکسینیر،
قاطار دایانیر
سۏن موسافیر دۆشۆر.

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

ماوی ایتین گؤزلری

ماوی ایتین گؤز‌لری / قابرییئل قارسییا مارکئز

ماوی ایتین گؤز‌لری / قابرییئل قارسییا مارکئز اۏ، دیقَّت’له‌ منه‌ باخېردې، من‌سه، بو قېزې اؤنجه‌لر …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *