یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
اوزاق‌لار‌دا بیری اۏلا سئومه‌‌ڲه / قېزبستی سولطان
اوزاق‌لار‌دا بیری اۏلا سئومه‌‌ڲه،
نه اۆزۆنۆ گؤردۆڲۆن نه گؤزۆنه باخدېغېن.
سَسی‌نه وورولدوغون، روحونو حیسّ إتدیڲین.
گئجه ساعات دؤر‌ده ده اۏنونچۆن دارېخدېغېن.
اوزاق‌لار‌دا بیری اۏلا سئومه‌‌ڲه،
بیر سبب آختارما‌زدان گئجه-گۆندۆز سئوه‌‌سن.
کۆچه-کۆچه، إو به إو هر گۆن اۏنو آختارېب.
إو-إشیڲی اونودوب یوبانا‌سان إوه سن.
اوزاق‌لار‌دا بیری اۏلا سئومه‌‌ڲه.
اۏنونچۆن آنان‌دان دا هر گۆن اۏخلۏو یئیه‌‌سن.
اۏخلۏوون دَڲدیڲی یئر جېرېلا پالتارېن‌دا.
وئجی‌نه ده آلمایېب إله اۏنو گئیه‌‌سن.
اوزاق‌لار‌دا بیری اۏلا سئومه‌‌ڲه.
هر دقیقه زنگ إله‌‌یه، یازا، بئزدیره سَنی.
اۏ قدر سئوه سَنی عئشقین‌دن دَ‌لی إ‌ده.
اۆره‌ڲی‌نه حَبس إدیب گیزلین گزدیره سَنی.
قېزبستی سولطان(4.12.2018)
