یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / آزاد شعرلر / حجم شعری / کامیل قهرمان‌اۏغلو

حجم شعری / کامیل قهرمان‌اۏغلو

IMG_20190318_123830_207

حجم شعری / کامیل قهرمان‌اۏغلو

كۆلک كؤينه‌ڲيم‌دی
بو قهوه سۏيوقدو
سو شهيد اۏلوب فينجانېم‌دا
بوغدالار،
بيچيلن سورا، آرپالاشدې
اۏنداكې باجېم
اؤپۆشۆنۆ يارېم‌چېق آلدې بالتادان
بير آدېم اؤلۆمدۆ
بير آدېم تانرې
قانېمېزدان دؤل “döl” توتدولار آت‌لارې
و قاطېرلارې دئمۏكراسی آغاجې‌نـا باغلادېلار
من گؤزۆم’له گؤردۆم يۏل‌لارې بئليم‌دن آسدېلار
تشیيع جنازه‌سی‌نـه قارېشقالار دا گلديلر
حاجې قوربانېن آخساق كؤپه‌ڲی ده
اۏندا من
6 ميصراع اؤلۆ ايچميشديم
و يئميشديم ايكی بيت، كؤهلن قانېن‌دان
من آنېردېم سۏيوقدو بو قهوه
اۆزۆنه چالمادېم قارسۏنون
آخې باشماغېما دومان دۏلموشدو
و آت‌لار،
قېزلار دؤشۆن‌دن ساغېلېردې فينجانېما
آه… بو ايت خوطبه_سی‌نی بۏشلا
بلكه آدې‌نـا سيكکه ووردولار
بلكه بينه‌سين‌دن منبر ياراندې
بلكه، بلگه‌لره دۏندو بو بينه!
و مگرلری آنجاق‌لارا ساچاق‌لاندېردېلار
نه بيليم آخې!
بورا 3 نؤقطه “…” قۏيون،
بير چيزگی!
ويرقولو ساخلايېن سئرچه‌لره وورارسېنېز
نه‌قدر باياتې ايچيم گؤزلری‌نـه
سنه گؤره، فيله مينديرديلر يۏلو
أمليک تولامېزې بوينوزلادېلار
گامېشېمېزې، اۆستۆ آچېق بير كندلی آلدې
أمجك‌لری كۏر ايدی دئيه، قايتاردېلار
قارداشېم، بئلين‌دن يارا تؤكدۆ
و باجېمېن، نيشانې قايېتدې إویميزه
اۏ گۆن‌دن، كؤينه‌ڲيم کۆلک ياراسې تؤكدۆ
باشېم اۏيون‌لار بازارې اۏلدو
قۏل‌لارېما دومان گلدی
گؤزلريمه قورتدامېش ايتی باغلادېلار
هه…
اۏ گۆن‌دن بری
كؤينه‌ڲيم كۆلک‌دی
و قهوه‌م سۏيوق …

کامیل قهرمان اۏغلو

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

IMG_20190901_052539_472

وداع مارشې / فرشته صیامی

وداع مارشې / فرشته صیامی هاوا آلاجا قاران‌لېق سس‌سیز قال وداع مارشې چالېنېر قولاق‌لارېمدا من …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *