یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / آزاد شعرلر / هله ده سئویرم سنی / آینار تبریزلی

هله ده سئویرم سنی / آینار تبریزلی

IMG_20190409_004721_606

هله ده سئویرم سنی / آینار تبریزلی

من سنی
دئمۏکراسی خیابان‌لاردا
دانس إتمک ایسته‌ییرم!
قېرمېزې
دیک دابان
آیاق‌قابېم’لا!
من سنی
دیکتاتۏر
قادېن‌لارېن شعرلرینده
یازماق ایسته‌ییرم!
دینله سئوگیمی!
گؤزلریوی یوم دا
بیر آن‌لېق منی دۆشۆن!
سنی سئویرم
و اینقیلاب اۏلور
ساچ‌لارېم دا…
یئل‌لَنیر دارېخمالارېم
دویقووا سارې!
و
من
هله ده
سئویرم سنی!
گل-گئت‌لی خیابان‌لاردا،
دیک‌دابان شَهَرین ویترین‌لرینده..
کافه‌لرده…
تئاتر‌لاردا…
بؤیۆک دده‌مین
أسکی تۏزلو دفترینده
آتامېن یاشېل کۏتوندا
آنامېن حۆزۆنلۆ اۏدکۏلۏنوندا
سئویرم
سنی
یالقېزلېغېمدا!
و
دۏنومون أته‌ڲیندن یاپېشېب
تانقۏ دانس إدیرم
قېرمېزې حوکومَتین سئوگیسی’یله!
سئویرم
آخشام آلتې‌لارې
سنی دۆشۆنۆرم
یانېمدا
سنی
سئویرم!
ایسترسن دۏداق‌لارېمدا داد
سئوگیمی
و باشلانسېن
قیامت
گؤزلریمده!
باااخ…
دۏداق‌لارېمدا
گیزله‌نن سېجاق اؤپۆش
سن‌سن!
هله ده سئویرم سنی
و
گؤزل‌لَشیرم!
قۏرخولو
گئجه‌لریم’له
أل-أله وئریب
دۏلانېرام گؤزلرینده‌کی شَهَری!
هله ده
بعضن..
قېرمېزې ماتیک إدیب
یاخېرام دۏداق‌لارېما
سنی!
و من
هله ده سئویرم
سئویرم
سنی!

آینار تبریزلی

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

IMG_20190219_234456_559

اۏ بیر قادېن‌دېر / ساناز عباسی

اۏ بیر قادېن‌دېر / ساناز عباسی قۏرخا قۏرخا یۏلونان گئدیردی. اؤز کؤلگه‌سین‌دن بیله قۏرخوردو کؤرپۆنۆن …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *