«کیم گؤردۆ_کیم گؤرمه‌دی‌» تئاترېندا نه‌لر یاشانېر

اولو تانرې‌نېن آدې’یلا

باخماق‌’لا گؤرمک، بو ایکی آنلامې دَرین دۆشۆندۆکـده یئر‌دن گؤڲـه فرقلی اۏلدوق‌لارې بللی اۏلور. یارانېشېن ایلک آن‌لارېندان هر یارانمېشېن نه‌یه باخماغې اۏنون باخدېغې قۏنونون گؤرمه‌ڲینی تصدیق إتمیر؛ أصلینده هر وارلېغېن نه آندېغې، اۏنون گؤردۆڲۆندن آسېلې‌دېر!

«کیم گؤردۆ کیم گؤرمه‌دی» تئاترېندا وارلېغېن دۏغولماسې’یلا کیم اۏلدوغونون بیلمه‌ڲی(اۏیانېش)، چئوره‌سینی دۆشۆنمه‌ڲی، آنماغې، بیرلشمه‌ڲی، آرتېقراق قاران‌لېق‌’لا ساواشا باش گؤتۆرمه‌‌ڲی یاشایېب، اؤرگه‌نیریک. نه دورومدا، نئجه، نه‌تهر یاشاماق بئیینده اۏلان پارادایم‌لارې یارادېب، اینسانېن آددېم آتېب  ایز سالماغېنا سبب اۏلور؛ بو ایزین درین یا دایاز اۏلدوغونا قرار وئرن، آنېندا تؤره‌نن دۆشۆنجه دیر! «کیم گؤردۆ کیم گؤرمه‌دی»‌نین پلانلایان‌’لا یؤنتمَنی  تیاترۏنون آیرې قاتېندا پاسلانمېش باغلې قاپې‌لارې سالدېرېب، ایچینده‌ یاشاتدېغې کاراکتئری حاصار سېندېران بیری اۏلسون دئیه ایره‌لی سۆرۆب، اۏنو بیرلیڲه چاغېرېب، آلدادېجې چاغېرېش‌لارا باش أڲمه‌مه‌ڲی دۆشۆندۆرۆر؛ نه ایسه بئلنچی دوروم‌لاردا آلدانېب أزیلن‌لر ده اۏلوب اۏلاجاق دا!

سئوگی دۆنیانېن قیمتلی آنلامې اۏلاراق، یاراتدېغې اوشاق آدلې گۆنش‌، اۏندان دا اۆستۆن گله‌رک زامان بۏیو چۏخلو ساواشچې‌لارا “یئریمده بیری وار دئیه” دایاق اۏلوب، حاققې باغېرماغا گۆجلندیریب! بو گؤرۆنتۆنۆ یارادان «عسگر عابدی”ایلقار”» بیلگی‌’یله پرده-پرده قاران‌لېغېن باغرېن سؤکۆب آیدېن‌لېق‌’لا سویا چکیر، سۏن پرده‌ده اینسان وارلېغېنې داشېیان گؤزل‌لیک(اوشاق) یاشادېغې اینام، ایشېق، بیلگی داها آرتېق دۏغرو یۏل‌’لا گله‌جه‌ڲـه دورو باخېش یاراتدېقدا سئییرچینی آزادلېغا دۏغرو ألیندن توتور؛ هر باخدېقدا گؤرۆب، آنماقدان یۆکسک آنلامېمېز یۏخدور دئیه سیزی «کیم گؤردۆ کیم گؤرمه‌دی»تیاترۏسونو یاشاماغا چاغېرېرام؛ آزادلېق آدېنا، “اومود باهارا دۏغرو”

⁦✍️⁩ محمد حسن‌نژاد

نگاهی به رزومه‌ی کاری عسگر عابدی “ایلقار”

عنوان کارگردانی تئاتر در:

۱_ کیم‌گؤردۆ،کیم گؤرمه‌دی

۲_اومودون اۏلسون

۳_گؤزل باهار

۴_کارگردان فیلم کوتاه «من» برگزیده مقام اول جشنواره نوجوان سالم

عنوان دستیاری کارگردانی:

۱_«کیم آکېللې_کیم دلی» به کارگردانی رضا نصرتمند در فستیوال بین‌المللی دنیزلی (نور و صدا در تئاتر کیم آکېللې در فستیوال ترکیه)

۲_ «سایاچې» به کارگردانی رضا نصرتمند در فستیوال بین‌المللی ترکیه

عنوان بازیگری در:

۱_فیلم صد ثانیه‌ای «نزاع و درگیری» باهمکاری ناجا

۲_تئاتر پست مدرن «هاملئت ماکیناسې» به کارگردانی دکتر ولی لطف‌دخت در فستیوال بین المللی ترکیه ۲۰۱۸

۳_بازیگر سایاچې در جشنواره ترکیه ۲۰۱۹

۴_بازیگر فیلم کوتاه »نازلې»کاری مشترک با کشور ترکیه

۵_بازیگر تله‌فیلم «سفر»

و

مدیر تولید:

در فیلم «نزاع و درگیری»

طراح نور در تئاترهای:

کیم گؤردۆ کیم گؤرمه‌دی

کیم آکېلې کیم دلی

طراح صحنه‌ در تئاترهای:

کیم گؤردۆ کیم گؤرمه‌دی

سایاچې

گؤزل باهار

مقام اول نویسنده:

در جشنواره نوجوان سالم «فیلم کوتاه من»