یئنی یازې‌لار / Yeni Yazılar
آنا صفحه Ana Səhifə / ادبیات / اینتیظار / رقیه هاشم‌زاده (خان‌صنم)

اینتیظار / رقیه هاشم‌زاده (خان‌صنم)

رقیه هاشم‌زاده (خان صنم)

اینتیظار / رقیه هاشم‌زاده (خان‌صنم)

دوراغېن ساعاتې بئشی گؤسته‌ریر
حله بئش یارېما نئچه ایل قالېر!
بو جان‌سېز ساعاتېن ایشینه باخ سن
بیر سۆرۆ جانلې‌دان نئجه جان آلېر

گؤزله‌مک اینسانېن نَفَسین کسیر
آسېلې بۏیونو ایپ کسن کیمی
اینتیظار جانېمدان إله کام آلېر
ماجال دا وئرمیر کی ایچم چایېمې

هایاندا قالدې بس بو قاطار آللاه؟!
سؤیله‌نه_سؤیله‌نه، ایچینی یئییر
یۏلونو گؤزله‌ییر عسگر اۏغلونون
باغرېنا باسدېغې اۏ شکیل دئییر

هایاندا قالدې بسـ…بو هاراساندېر
بوغلارېن چئڲنه‌ییب أل‌لرین اۏوور
سئوگی دۏلو گؤزلری’له آمان‌سېز
آمانا یۏل سۆرن ساعاتې قۏوور

هایاندا قالدې بس بو قاطار….منم
بو سفر منم کـیـ……گلدی ، گلدی، گلــ…
ایزدیحام ایچینده ها بۏیلانېرام
نه بیر تانېش دۆشۆر نه قالخېر بیر أل

یئنه ده گلمه‌دین، گلمه‌یه‌جکسن
أح، بو کؤینه‌ڲین ده یاخاسې داردې!!!
اومودومون قالان سۏن پارچاسېن دا
قاطاردان سۏن دۆشن آدام آپاردې

آدام‌لار، هَیَجان، دوراق، چای، ماسا
بو سایاق باشېما فېرلانېردې یئر
بیری: “چایینیزی داغېلتدېم ، باغېشـ…”
منیم دۆنیام ایدی داغېلدې بۏش وئر!

یازار / Yazar : سئودا عالمی

بو یازېنې دا اۏخویون /Bu Yazını da Oxuyun

namiq zaman_yeniqapi

خیانت / نامیق زامان (حیکایه‌)

خیانت / نامیق زامان (حیکایه‌)   قۏجا اولاسېن* یانېندا قارالتې گؤرۆندۆ. بوندان خبر توتان جماعت …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *