یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
گۆنده‌مین ایچینده‌کی ایتن یۏل‌لار! / آیهان میانالې
اۏرتام‌لارېمېزېن چۏخونو گزیب دۏلاندېغېم دورومدا، اینسان‌لارېن گۆنۆ-گۆندن ایچدن بۏشالما‌لارېنې ایزله‌ییب چۏخلو سۏرغولارې بئیین-زئیینیمده یانېتلایا بیلمه‌میشم!
اۏ سۏرغولاردان بیریسی بودور:
نه‌دن و نه اۆچۆن یاشایېرېق؟
بو قۏنونون حاقّېندا چۏخلو آخساق‌لېق‌لارا راست گلمک اۏلور؛ حال‌بوکی بو سۏرغولار، یاشام چتین‌لیک‌لری ایله یاساق‌لېق‌لارېن سۆره‌جینده ایتیب باتماقدادېر.
هر شئیدن اؤنجه اؤزۆمۆز اۏلما‌لې‌یېق؛ و بو اؤزلۆک اۆچۆن اۏلا بیلر کی چۏخلو حاق‌لارېمېزې ألدن وئرک. آمّا أصلینده هئچ بیر شئیی اودوزمایېرېق و دۆنیا‌نېن أن قیمَتلی مۆکافاتېنا ناییل اۏلوروق؛ بو سؤز‌لرین قېسا ایضاحې بودور: بو مۆکافاتېن آدې اؤزگۆرلۆکدۆر!
اینسان اؤزۆنه قایېتدېقدا، ایچینده‌کی گۆجۆنۆ داها یاخشې حیسّ إدیب، اۏنا گۆوه‌نیب، تام بیر اؤز سیمگه‌سی اۏلماغې، اؤنجه اؤزۆنه، سۏنرا ایسه بۆتۆن کاییناتا ایثبات إدیر.
ایندی کۆتله و اۏنلارېن یاشانتې بؤلگه‌‌لری، بو باشلانقېجېن قایناغې‌دېر، و بو حاقدا، اینسان هر شئیدن قاباق کیمسه‌نین سئودیڲینه دَڲیل، ساده‌جه نئجه دۆشۆنۆب، نه إتمه‌لی اۏلماغېنا دایانقالاراق، اؤنه آددېم آتما‌لې‌دېر.
بوگۆنکۆ یاشادېغېمېز بؤلگ(ک)ـه‌ده، هر شئی حاق‌سېزجاسېنا بؤلۆم-بؤلۆم اۏلونوب، بیری‌سینه یئترینجه وئریلیب؛ باشقاسېنا ایسه ألیندن إله اۏلدوغونو دا آلېبلار. اۏ اۆزدن بو سۏرغولارېن ایلکین جاوابېنې بئله یانېت وئرمه‌لی‌ییک: “بیر اینسانې کؤله و ایکینجی دَرَجه اینسان إتمک اۆچۆن، اۏنون اؤزلۆڲۆنۆ ألیندن آلېب، سئودیڲین اۏیونو باشاېنا گتیره بیلمک اۏ‌لار”
اینسان اؤزلۆڲۆنۆ ایتیرَن زامان، نه اۆچۆن یارانېب، نه إتمه‌سینی اؤزۆنده آختارا بیلمز؛ و هر بیلمه‌دیڲی آنېدا، آردېجېل‌لېق و کؤله‌لیک اۏنا سئویندیریجی إکران‌لارې گؤرۆنسه‌در.
بوگۆنکۆ یاشادېغېمېز بؤلگ(ک)ـه‌ده، هر شئیدن قاباق وطن آد‌لې بیر باسقې‌نېن اؤته‌سینده، کۆتله‌نین باشېنې، دۆنیا‌لېق چتین‌لیک‌لره قاتېب، اۏنلارېن وارلېق‌لارېنې أل‌لریندن آلماق، چۏخ دا چتین بیر ایش اۏلمایېب. و اینسان‌لار بو دورومدا، اؤنجه اؤزلۆک‌لرینی، سۏنرا گَره‌کن حاق‌لارېنې ألده إده بیلمه‌ییب، اۆچ یۏلون گرگین‌لیڲینده ماتېر-ماتېر گله‌جه‌ڲین پلانېنې چَکَن قلم‌لرینی بیله سېنېق گؤرۆرلر!
اۆچ یۏلون بیریسی: دایانېب، ساواشېب، گَره‌کن حاققېنې آلماق‌دېر. بو حاق آلما عَرَفه‌سینده، ایتیب-قورتارېب، دوستاقلانېب اؤلۆمه سلام وئرمک، اؤزگۆر اینسانې قارشېلایا بیلر.
یۏل‌لارېن بیریسی ده، سوسمایېم، اوزاقلاشېم و سؤز‌لریمی سېزلایان دردین جانېنا مرهم إدیم ده اۏلا بیلر. آمّا نه یازېق کی خالق ایچینده إشیدیلن سَس، اۏنلاردان اوزاقلاشدېقجا، اونودسانېر!
اۆچۆنجۆ یۏل ایسه، قۏرخاراق سَسیمیزین تۏناژېنې آشاغې یئندیرمک’له، دیلیمیز’له اۆره‌ڲیمیزین آراسېندا، بؤیۆک یالان بیر باراژې قوروب، گۆنۆ-گۆندن اؤزدن‌سیزله‌مه‌لی‌ییک.
ایندی اؤزۆنه درین‌لَشیب باخان سایېن اۏخوجولار!
اؤزۆنۆزۆ ایچدن‌لیک إده‌رَک، هانسې یۏلدا اۏلوب، آددېم آتماغېنېزا دۆشۆنۆب، گله‌جَک پلانېنېزې چکین!
بو سیز، بو اۆچ یۏلون آردېنداکې گؤزله‌یَن گله‌جَک!!!!
Yazını bu əlifbada oxuyun: TÜRKCƏ
بَنزَرگه‌لر / Bənzərgələr
دیل و اۏنون ایچینده‌کی دیبسیز دۆنیا / آیهان میانالې
اۏ هله دیری دیر! / آیهان میانالې (حیکایه)
سئویم رۏمانېندان بیر پارچا / آیهان میانالې
سئویم رۏمانېندان بیر پارچا (2) / آیهان میانالې
اۏیاندېقجا چۏخالېرېق، چۏخالدېقجا اوجالېرېق! / آیهان میانالې
آزادلېغېن دوروشوغو / آیهان میانالې (کؤشه یازې)
یازارلار و اینتیحار - إرنئست هئمینگوئی / آیهان میانالې
یارالې بوراخېلمېش اینسان‌لار / آیهان میانالې (کؤشه یازې)
ایکیدیللیلیک و اۏنون'لا ایلگیلی قۏنولار / آیهان…
سلاملارلا:
یازینی اوخودوم. آزادلیق و اؤزگورلوک آختاران ملت معارفلنمه مجبورییتینده‌دیر. بوتون دنیانی دولاشارساق، ساوادلی و اوحوموش مللتلری اؤزگور و آزاد گؤرملی اولوروق. منجه بوتون انسانی حاقلارین الده اولونوب و ساخلانماسینا ملتین معارفلنمه‌سی واجب دیر.
Bu sorğu tarix boyu düşünər insanların bəlkə də birinci sorğusu olub. Fətqli filosoflar və ədiblər öz əsərlərində yolu görsədiblər. Baxmayaraq baxış açılarının fərqli olmasına baxmayaraq yol eynidir. Mən bu sorğunun ən düzgün yanıtını Cozef Kəmbelin əsərlərində tapdım. Sonra klasiklərimizdən oxuduqlarımı yenidən daha dəqiq araşdırıb daşınıb düşünməyə başladım. Yol budur: Eqonu öldürüb ölümə təslim olmaq. Sərbəstlik və özgürlük bərəkətinə qovuşmaq. Bu da insanın öz içinndədir. Sonra elinə dönüb bərəkəti el ilə paylaşmaq. Həqiqətin .görsətdiyi yol mifik və klasik ədəbiyyatımızda belə görsədilib