یئنی یازې‌لار / Yeni Yazılar
آنا صفحه Ana Səhifə / ادبیات / باغرې قان اۏلموش تۏرپاغېم / دومان بختیاری

باغرې قان اۏلموش تۏرپاغېم / دومان بختیاری

13980502000167_Test_PhotoN

باغرې قان اۏلموش تۏرپاغېم / دومان بختیاری

داغ آلېشېب مئشه یانېر هاردادېر؟!
بو تۏرپاغېن قایغې‌سېنې چکن‌لر
یاتاق‌لاردا یۏرقان چکیب باشېنا-
قاراداغا گؤز یاشېنې تؤکن‌لر

یانان منیم اۆره‌ڲیم‌دیر ألیم‌دیر
سولوق وورور آرزېمېزېن قۏل‌لارې
بوداق-بوداق آلازلانېر عئشقیمیز
قارا گئییب قاراداغېن یۏل‌لارې

بو آلېشان آغاج‌لارېن کؤلگه‌سی
یارامېزې هارای هارای باغېرېر
قاناد‌لارې کؤز-کؤز اۏلان یاز قوشو
ایندی بیزی یاردېمېنا چاغېرېر

اومودو یۏخ اؤزگه‌لرین سسینه
یانېب یانېب کۆل اۏلسا دا یوواسې
دای دئمیرم بو آلاودان قورتارا
بلکه اۏنو، کپه‌نه‌ڲین دوعاسې

بۏشلا دومان چکیل اۏدون اۆستۆنه
آغاج‌لارې اۏتدان قۏرو، یۏخسا یان
یوباندېقجا ساعات-ساعات گۆن به گۆن
اۏلاجاق‌دېر بو تۏرپاغېن باغرې قان

شعر: دومان بختیاری

قاییت / دومان بختیاری یاغیش یاغیر یارامیز گؤینه‌ییر آمان‌دی قاییت گۆن‌اورتانین سینه‌سی یاندی سئل دایاندی قاییت قاییت باهار چیچه‌گیم هئی قاییت بنؤوشه قیزیم سیزیم سیزیم اۆره‌گیم سیندی پارچالاندی قاییت یالین دیلک‌لری آسدیق یاغیش یاغاندا یولا یولون دۆشۆنجه‌لری پرده-پرده یاندی قاییت هایاندا ساچ‌لارینی یئل داغیتدی کؤرپه‌جیگیم سیتم'له سونگویه سیغمیش شهرده، قان‌دی قاییت سئل اولموش آرزی‌لارین ماتمین‌ده‌ییک حله ده بو یاس‌لی پنجره‌لر شعری بیر نیشان‌دی قاییت اوزاق‌دا قالما ألیم گؤینه‌ییر اوزون ساچینی سویون بو یول‌لاری، دحشت دوغور،دومان‌دی قاییت بیلیرسن ایل‌لری یورسام دا ، کؤرپۆلردن ایراق گؤزۆم‌ده یول‌لارا داغ باسدی دردین آندی قاییت یازین یازیلمادی دردی، قالاق-قالاق قالانیر یاغیش یاغیر، یارامیز گؤینه‌ییر آمان‌دی قاییت دومان بختیاری

سس: آینار تبریزلی

IMG_20190409_004721_606

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

zaman-pasazade-yeniqapi

یابانچې‌لاشما إفئکتی / زامان پاشازاده

یابانچې‌لاشما إفئکتی / زامان پاشازاده تراسدان توللانېب خیابان تئاترېنا سریله‌جک اۏلسام باشېمېن اۆستۆنده دوراجاق برِشت …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *