یئنی یازې‌لار / Yeni Yazılar
آنا صفحه Ana Səhifə / بیوقرافی / بیوگرافی / مرضيه احمدی اسكوئی

بیوگرافی / مرضيه احمدی اسكوئی

مرضیه احمدی اسکویی

بیوگرافی / مرضيه احمدی اسكوئی

مرضيه احمدی اسكوئی، ١٣٥٣-١٣٢٤ (١٩٧٤-١٩٤٥) آذربايجانلى شاعير، اينقيلابچى موباریز موعللیم و يازیچی قادين و خالق قهرمانی دير. تبريزين ياخينليغيندا يئرلَشن آذربايجانين كيچيك شهرلريندن اوسكوده اورتا حاللى أکينچى بير عاييله‌نين اوشاغى اولاراق دونيايا گلدى. مرضيه اسكوئی اوشاق‌ليق چاغيندان آتاسينين يانيندا تارلالاردا ايشله‌مه‌گه باشلادى و ائله لاپ بو كيچيك ياشلاريندان يوخسول كندليلرين آجى درد دولو ياشاملاري’لا تانيش اولدو. مرضيه ايلك مکتبی قورتاراندان سونرا دبیرستان تحصيلينينه داوام ائتدى. تحصيلينين بو مرحله سینده كيتاب اوخوماغا ماراق بسله ييب گئتديكجه اوخوماغا قارشى درين بير سئوگى بسله دی. بو ايللر مرضييه نين ايجتيماعى موشکیللر حاققيندا داها عالیم اولان اينسانلارلا تانيشما و سياسى مسئله لره آرتاراق تسللوط تاپما ايللرىدير.

مرضيه اسكوئی دبیرستان نين ايلك دؤوره سينى قورتارينجا تبريزين “دانشسراى مقدماتى”سينه گيردى و بورايا گيرمكله ده سول و ماركسيسم ادبيياتى ايله تانيش اولدو. “مقدماتى دانشسرا”دا ايكى ايلليك بير تحصيلدن سونرا معلليم اولاراق ايشه آلينيب اوسكونون ايلك مکتبلرینده معلم لييه گؤنده ريلدى. مرضيه اوچ ايلليك معلمه ليك ياشامی و اوشاقلار و عاييله لرى ايله قوردوغو گل گئت و ياخين علاقه لر ایله اونلارين چيله لرى و آغير ياشام شرطلرى ايله داها دا ياخيندان داها دا كؤكلو بيچيمده تانيش اولما فورصتینى الده ائتدى. اوچ ايل معلليملیک دن سونرا دانشسرا ديپلومونو آلماغا موفق اولان مرضييه تبريز دانیشگاهینا گيردى. مرضيه اسكوئی يونيوئرسيته ده ايكن عئينى زاماندا معلليملیک و اوشاقلارا درس وئرمه يه ده داوام ائتدى. ١٣٤٥ ايلينده آغير مالى وضعیت سيخينتيلارسببی ايله تئهرانين “دانشسراى عالى سپاه دانش “ينه گيرمه يه مجبور اولدو. بوندان سونرا تئز تئز ورامينين تورك و فارس كندلرينده گزمه يه، كند مدرسه لرينه باش وورماغا و كندلى اوشاقلار اوچون كيتاب ائولرى ياراتماغا باشلادى.

بیوگرافی / مرضيه احمدی اسكوئی

مرضيه اسكوئی اونيوئرسيته ده ايكن فععال شكيلده سياسى-صينفى فعالييتلر و اؤيره نچى اعتيصابلارينين چوخونا قاتيليردى. ١٣٤٩ ايسفند آيى اؤيره نچى اعتيصابلارينى ياراتماقدا ايسه اؤزو ، بؤيوك بير رول اوينادى. و بو اوزدن ساواك- شاه رئژيمينين سياسى پوليسى – طرفيندن تاتينيب ايزله نمه يه آليندى.

قيسسا بير سوره ليك (س.چ.ف.خ.) نين آذربايجان ايالت مسؤلو اولان مرضييه بير ايل سونرا اورديبئهئشت ١٣٥٣ ده ساواك گوجلرى ايله گيردييى سيلاحلى بير چاتيشمادا ياشامينى ايتيرميشدير.

مرضيه اسكوئی يازارليق شاعیرلیق استعدادی وارايدى. يازديغى ادبى يازيلاری قيسسا ناغيل و شعرلرله خالقين آغير ياشامی دیله گتیریردى. اونون دالغا آدلى ناغيلى ايلك چاپ اولان و ان چوخ بگنيلن رومانلاردان بيرى ايدى. مرضييه اوسكويىنين فارسجا و توركجه بوتون اثرلري هله ده توپلو اولاراق چاپ ائديلمه ميشدير. مرضييه نين اينتئرنئتده بولونان فارسجا اثرلريندن:

داستانى بر مبناى زندگى رفيق على اصغر عرب هريسى ،

تجربه نخستين مرگ دختران كولى.

مرضيه اسكوئی نین مزاری اونون یاخین دوستلاری بهروز دهقانى و عليرضا نابدل ین مزارلاریلا تئهران ين بهشت زهرا قبريستانليغىنين ٣٣ ونجو قطعه سينده.

یازار / Yazar : آیهان میانالیAyhan Miyanalı


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *