یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
گۆن‌آیدېن / سعید موغانلی
یاز بیر حادیثه دَڲیل سن‌سیز
یاشېل گؤزلرین
قانا دؤنمۆش یای گیلاسې‌دېر’سا
باخ
شکی دؤش‌لرینده قۏرالېق‌لارا کئفلی‌دیر پایېز
و قېرخ یاشېندان باشلانان
ساچ‌لارېندې قېش
قار گوللـه‌لری’له-گوللـه‌له‌نن من
-و یازې‌لاردا سئویلن وطن-
گۆن‌آیدېن سئوگیلیم
گۆن‌آیدېن آی قېز!!!!
گۆن‌آیدېن بئش بؤلۆک خزر دنیزی
و یالنېز
ماهنې‌لاردا اونودولمایان قاراباغ یازې
گۆن‌آیدېن
قاراباغ شیکسته‌سی‌نین قارداش‌سېز قېزې……
