اوچدو / سحر بارانی (شعر)

اوچدو / سحر بارانی (شعر)

بارماق‌لارېنې
یاناغېمدان
ساچېمدان
قارېش-قارېش بَدَنیمدن‌
قۏپاردېب أل‌لرینه‌ تاخدې
یۏلو آیاغېما گئیدیریب
یئری آیاغېمېن آلتېندان چَکدی
اوچماغې دۆشرکن اؤرگندیم اوچورومدان
بیرجه‌ کلمه‌ یازمامېش دووار‌لارېندا
دئوریم اۏلدو
بیرجه‌ دۏداق گۆلمه‌میش
قارانقوش‌لار سۏلدو
نه‌ آدېما کۆچه‌ یامادېلار
نه‌ دۏداق‌لارېنا گؤزَل‌لیڲیمی شعر دۏلادېلار
ساده‌ بیر قادېن ایدیم
سېرادان
اوچدو دئدیلر
بیر گئجه‌
اوچدو.

سَحَر بارانی

Yazını bu əlifbada oxuyun: TÜRKCƏ