یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / کلاسیک شعرلر / شۆکۆر / صالح سجادی (شعر)

شۆکۆر / صالح سجادی (شعر)


Saleh Səccadi-YeniQapi.com-

شۆکۆر / صالح سجادی (شعر)

یاخشې گۆن‌لردن أل‌لریم اۆزۆلوب، نه’یسه، بئش گۆن یامان وارېمدې شۆکۆر

شعردن باشقا هئچ نه‌ییم یۏخدور دۏغرو یۏخسا یالان وارېمدې شۆکۆر

بیر قېزېل گؤل کیمی گۆونجه‌سیزم شفقت‌سیز حیات اؤنۆنده، آما

قوروماق چۆن زمانه‌دن اؤزۆمۆ هله اۆچ-بئش تیکان وارېمدې شۆکۆر

سن کی یۏخسان نه باده وار نه حریف، بیر ایچیم عئشقه یانقې‌یام نه’یسه

اۏ ایچیلمیش شراب‌لارې قۏخویان ایکی بۏش ایستیکان وارېمدې شۆکۆر

ایندی گلسن شراب گتیر ایچه‌لیم شرابېن اۏلماسا گتیر خنجر

آچا بیلسن دۏنون دامارلارېمېن مئیه آلوده قان وارېمدې شۆکۆر

آی دۆشنده سویا منیم اۆره‌ڲیم دلی قافلان کیمی سنی کۆکرر

آیا چاتمازسا دا ألیم سن تک گؤزلری آسمان وارېمدې شۆکۆر

من نسیمی قدر بؤیۆک دَڲیلم سېغمایا هر ایکی جهانه جانېم

هر ایکی دۆنیادان بئزنده آما، قوجاغېن تک جهان وارېمدې شۆکۆر

سحرین ایلک عطرینی آلېبان گئجه‌نین سۏن نفس‌لرین چکیرم

گئجه‌دن کئفلی‌لیک باشېمدا ایکن، دۏداغېمدا آذان وارېمدې شۆکۆر

بو حیات مکتبینده نه آدېمې یازدېلار نه مۆعلّمیم اۏلدو

آلماغا درسیم اۏلمادی آنجاق وئرمه‌ڲه ایمتاحان وارېمدې شۆکۆر

یاشایېش بیر عؤمۆر دیلنچی کیمی قاپېمی چالدې، هئچ نه‌ییم یۏخودو

آلاجاقلې اؤلۆم گلیر ایندی اۏنا بیر دردلی جان وارېمدې شۆکۆر

بیر عؤمۆر بئیت‌دن غزل تیکدیم ایندی دؤوره‌مده دؤرد دووار یۏخسا

باشېم اۆستۆنده شعر کؤلگه‌سی تک عظمتلی تاوان وارېمدې شۆکۆر

صالح سجادی

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

cabbar çətin-YeniQapi.com--

بیر اومود وئر، اوزاقداکې یاخېنېم، بلکه‌… / جاببار چتین (2شعر)

بیر اومود وئر، اوزاقداکې یاخېنېم / جاببار چتین (2شعر) 1-بیر اومود وئر سن گئده‌لی گؤزۆمه‌، غَنیم …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *