عدالَتین یۏخدور / هديه‌ شفاقت (شعر)

عدالَتین یۏخدور / هديه‌ شفاقت (شعر)

…گلَن دفعه‌ من دۏغولمایېم،

مۆقَدَّس آتا…

گیزلَنیب قالېم

هئچ کیمین گؤرمه‌دیڲی یئرده‌،

گؤز‌لردن اوزاق

آدام‌لاردان اوزاق

چیچک‌لره‌ یاخېن

بیر ده‌ گؤڲه‌…

بیر گۆن خۏشبخت اۏلاجاغام دئیه‌-دئیه‌

اؤلدۆم…

یۆز دفعه‌…

بو،

بیر عؤمۆر اۆچۆن چۏخدور…

عدالَتین یۏخدور – دئمک ایسته‌ییرم بعضن

تانرېیا

دئمک ایسته‌ییرم، سوسورام

سۏنرا نفسیمی

خیال‌لارېمې

اومودومو زَهَر‌لَنمیش

چؤرک کیمی قوسورام…

بئله‌ اۏلمالې‌یدې’سا، اۏلدو،

اۏلدو’سا، دئمه‌لی، سۏندور… مۆقَدَّس آتا…

گئدیم من…

Yazını bu əlifbada oxuyun: TÜRKCƏ