هر قادېن / قېزبستی سولطان (شعر)
هر قادېن آزجانا مۆقَدَّس اۏلور
هر قادېن چۏخجانا گۆناه مله‌ڲی.
هر قادېن دۆزۆنۆ دئییر چۏخ زامان،
هر قادېن بیر آز دا سئویر کَله‌ڲی.
هر قادېن عؤمرۆنۆ شام تک یاندېرېر
اۏنون اۆچۆن اۏد‌لارا یانان آدامچۆن.
هر قادېن یاندېرېر عؤمۆر‌لری ده
سئوگینی یۏخ سایېب دانان آدامچۆن.
هر قادېن عئشق کیمی آخماغې بیلیر،
سئوگی’یله دؤڲۆنن صاف اۆرَک‌لره.
سئودا گؤرمه‌یینجه چېخماغې بیلیر،
قۏشولوب پوچ اۏلان خۏش دیلَک‌لره.
هر قادېن أل‌لری یئمک قۏخویور،
هر قادېن ساچ‌لارې یاسمن گۆلۆ.
هر قادېن اۆره‌ڲی گؤز اؤنۆنده‌دی،
گؤرمه‌ین اینسان‌لار اؤلۆدۆ، اؤلۆ.
هر قادېن آزجانا مۆقَدَّس اۏلور،
هر قادېن چۏخجانا گۆناه مله‌ڲی.
هر قادېن دۆزۆنۆ دئییر چۏخ زامان،
هر قادېن بیر آز دا سئویر کَله‌ڲی.
