یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
یاد آدام‌لار / چارلز بوکۏوسکی (شعر)
اینانمایاجاق‌سېنېز آما
یاشامېنی گرگین‌سیز
و هیجان‌سېز کئچیردن
آدام‌لار وار.
یاخشې گئیینیرلر
یاخشې یئییرلـر
یاخشې یاتېر‌لار.
عائله یاشامېندان راضې‌دېر‌لار.
هردن
کدر‌لی حادیثه گلیر باش‌لارېنا
آما چۏخ فیکیر وئرمیرلـر بونا.
اؤز‌لرینی یاخشې حیسّ إدیرلر
عادَتَن.
و اؤلنده
راحات اؤلۆرلر.
عادَتَن
یوخودا.
اینانمایاجاق‌سېنېز آما
وار
بئله آدام‌لار
آما من اۏنلاردان
دَڲیلم.
حئییف کی، اۏنلاردان بیری
دَڲیلم.
هئچ اۏنلاردان بیری اۏلماق
إحتیمالېم دا یۏخدور.
اۏنلار
اۏرا‌دا
من
بورادا
