یئنی قاپې Yeni Qapı یئنی قاپې، یئنی بير باخېش‌دېر تۆرک دۆنیاسېنا
هر کس اؤز دیلینده اوچور / بولود مرادی (شعر)
آیرې‌لېغا بنزه‌ییرم
بو داغېن باشېندا
بیر بیر یانېب سؤنن إولَرَم
آخشامام ساچ‌لارېندا دلی‌لیڲیم توتور
دومان کیمی بورولور بارماق‌لارېم بئلیوه
اؤپۆرسن شعریمین اۆزۆ قېزارېر
دۏداق‌لارېوېن خطی ایله
ایسکیله‌ده سؤیله‌نیلن سؤزسن:
قاغایې‌لارسان قاغایې‌لار!..
(…اوچوروق!
هرکس اؤز دیلینده..)
بیر عسگرین أوّل جوماسې
بیر اؤلکه‌نین آخېر غمی‌یم
چیڲین‌لرده گلدیم
عاشېق بیر قایېق کیمی
کپه‌نک‌لرین یئلکن‌لریم
بیر سلامام بۏغازېندا
دنیز کیمی
اوتقوندون گؤزلریمی..
بولود مرادی
